Consumer Electronics Show (CES) 2022 မှာ Sony က PlayStation VR2 လို့ခေါ်တဲ့ အနာဂတ်မှာ ထုတ်လုပ်မယ့် VR Headset အကြောင်း ပြောသွားပါတယ်။ အဲဒီ Headset ဟာ PlayStation 5 ၊ PS VR2 Sense Controller တို့ နဲ့ တွဲဖက် အသုံးပြုနိုင်မှာ ဖြစ်ပါတယ်။ ဒါပေမယ့် Sony က Headset ရဲ့ ဒီဇိုင်းကို မပြသသွားဘဲ Controller ရဲ့ ဓါတ်ပုံ ကိုပဲ ပြသသွားပါတယ်။
Sony က အတည်ပြုလိုက်တဲ့ Headset ရဲ့ အဓိက Specification တချို့ထဲမှာ ၁၁၀ ဒီဂရီ မြင်ကွင်းထောက်ပံ့တဲ့ 4K HDR OLED မျက်နှာပြင်တွေ ပါလာမှာ ဖြစ်ပြီး မျက်နှာပြင် ၁ ခုချင်းစီဟာ 2000x2040p Resolution ကို ထောက်ပံ့မှာ ဖြစ်ပါတယ်။ မျက်နှာပြင်တွေမှာ 90Hz or 120Hz Refresh Rate ပါလာမှာ ဖြစ်ပါတယ်။
Headset မှာ မျက်လုံး အာရုံခံတာ၊ 3D Audio ထောက်ပံ့တာတွေ ပြုလုပ်နိုင်တဲ့ ဆန်ဆာ အသစ်တွေ ထည့်သွင်းထားမှာ ဖြစ်ပြီး တခြား သီးခြား ကင်မရာနဲ့ ဆန်ဆာတွေ မလိုအပ်အောင် ဖန်တီးပေးထားမှာ ဖြစ်ပါတယ်။
Sony က ပြင်ပ ကမ္ဘာနဲ့ တကယ်တူညီတဲ့ အတွေ့အကြုံမျိုး ရရှိစေဖို့အတွက် VR2 ဟာ အသုံးပြုသူရဲ့ မျက်လုံးကို အချိန်နဲ့တစ်ပြေးညီ အာရုံခံနိုင်တယ်လို့ ပြောပါတယ်။ VR2 Sense Controller ရဲ့ Adaptive Trigger နဲ့ Haptic Feedback ကလည်း အဲဒီ လုပ်ဆောင်ချက်ကို အကူအညီပေးနိုင်ပါတယ်။
Ref : gsmarena
