Tecno က Megapad 10 အမည်ရ တက်ဘလက် အသစ် ၁ လုံးကို ကြေညာလိုက်ပြီး တန်ဖိုးနည်း စွမ်းရည်နိမ့် တက်ဘလက် ဖြစ်ပါတယ်။
တက်ဘလက်မှာ MediaTek Helio G80 Chipset မောင်းနှင်ထားပြီး 4GB RAM နဲ့ 128GB/256GB Storage ထည့်သွင်းထားပါတယ်။ 10.1” 800x1280p LCD Touchscreen တပ်ဆင်ထားပြီး 450 Nits Peak Brightness ထောက်ပံ့ထားပါတယ်။ 7,000mAh Battery ပါလာပြီး 18W Fast Wired Charging ထောက်ပံ့ထားကာ ၂ နာရီခွဲအတွင်း ၀ ကနေ ၁၀၀ ရာခိုင်နှုန်း အားဖြည့်ပေးနိုင်ပါတယ်။
Tecno Megapad 10 မှာ Android 14 မောင်းနှင်ထားပြီး အရွယ်အစား အပြည့်အစုံမှာ 240.7 x 159.5 x 7.35 mm နဲ့ အလေးချိန်မှာ ၄၄၇ ဂရမ် ရှိပါတယ်။ Champagne Gold နဲ့ Space Grey အရောင် ထုတ်လုပ်ထားပါတယ်။ အနောက်ဘက်မှာ 13MP ကင်မရာနဲ့ အရှေ့ဘက်မှာ 5MP ကင်မရာ တပ်ဆင်ထားပါတယ်။ စပီကာ ၂ လုံး ပါလာပြီး 4G LTE ဆက်သွယ်မှု အသုံးပြုနိုင်ပါတယ်။
Tecno Megapad 10 ရဲ့ ဈေးနှုန်းနဲ့ ရောင်းချမယ့် အချိန်ကို ကုမ္ပဏီက မပြောသေးပေမယ့် တန်ဖိုးနည်း တက်ဘလက် လိုချင်သူတွေအတွက် ရွေးချယ်စရာ ဖြစ်ပါတယ်။
Ref: gsmarena
