Tecno က ဂါနာမှာ တန်ဖိုးနည်း Megapad 11 ကို ကြေညာလိုက်ပြီး ဖျော်ဖြေရေးနဲ့ အလုပ်အတွက် ဟန်ချက်ညီစွာ အသုံးပြုနိုင်အောင် ဖန်တီးထားပါတယ်။
တက်ဘလက်မှာ 11” Full HD+ IPS LCD Display သုံးထားပြီး 90Hz Refresh Rate ကြောင့် ရုပ်ထွက် ချောမွတ်ပါတယ်။ MediaTek Helio G99 Processor မောင်းနှင်ထားပြီး 8GB RAM နဲ့ 128GB, 256GB Storage ထည့်သွင်းထားပါတယ်။ microSD Card လည်း စိုက်နိုင်ပါတယ်။ 8,000mAh Battery ပါလာပြီး 18W Fast Charging ထည့်ထားပါတယ်။
AI Translation, AI Noise Call Cancellation နဲ့ SmartScan စတဲ့ AI Features တွေ ပါလာပါတယ်။ SmartScan က စာရွက်စာတမ်းတွေကို ဒစ်ဂျစ်တယ် အဖြစ်ပြောင်းပေးနိုင်ပြီး AI Noise Call Cancellation က ဖုန်းပြောရင် အသံကြည်လင်ပြတ်သားစေပါတယ်။ AI Text Concierge လည်း ပါလာပြီး စာရေးတဲ့အခါ ကူညီပေးနိုင်ပါတယ်။
Starfall Grey နဲ့ Vitality Green အရောင် ထုတ်လုပ်ထားပြီး တက်ဘလက် ဒီဇိုင်းက ခေတ်မီ လှပပါတယ်။ အနောက်ဘက်မှာ 13MP နဲ့ အရှေ့ဘက်မှာ 8MP ကင်မရာ တပ်ဆင်ထားပါတယ်။ Android 14 OS ထည့်သွင်းထားပါတယ်။
တန်ဖိုးနည်း တက်ဘလက် ဖြစ်ပြီး ဈေးနှုန်းကို မသိရသေးပါဘူး။ မကြာခင် တခြားနိုင်ငံတွေမှာ ကြေညာနိုင်ပါတယ်။
Ref: Gizmochina
