Elon Musk က Tesla ရဲ့ အင်ဂျင်နီယာ အဖွဲ့ဟာ Model 3/Y ပလက်ဖောင်းရဲ့ ဈေးနှုန်းထက် တစ်ဝက်လောက်ပဲ ရှိမယ့် နောက်မျိုးဆက် လျှပ်စစ်ကား ပလက်ဖောင်း ၁ ခုကို အာရုံစိုက်နေတယ်လို့ ပြောပါတယ်။ Tesla ဟာ ဈေးချိုတဲ့ လျှပ်စစ်ကားတွေ ထုတ်လုပ်ဖို့ ပြောနေတာ နှစ်အနည်းငယ် ရှိပါပြီ။ ဒါပေမယ့် ငွေကြေးဖောင်းပွမှုနဲ့ လျှပ်စစ်ကား ဝယ်လိုအားများနေတဲ့အတွက် ဈေးနှုန်းတွေကို မြှင့်တင်ထားရပါတယ်။
Tesla ဟာ ဒေါ်လာ ၂၅,၀၀၀ တန် လျှပ်စစ်ကားတွေကို ထုတ်လုပ်ဖို့ အရင်က ပြောခဲ့ဖူးပါတယ်။ CEO Elon Musk က ၂၀၂၃ ခုနှစ်မှာ ဈေးချိုတဲ့ လျှပ်စစ်ကားတွေကို ထုတ်လုပ်ရောင်းချဖို့ ရည်ရွယ်ထားတယ်လို့ ပြောခဲ့ဖူးပါတယ်။
ဒါပေမယ့် အဲဒီနောက်မှာ Musk က Optimus စက်ရုပ်နဲ့ Model Y ထုတ်လုပ်မှုကို မြှင့်တင်ဖို့ အာရုံစိုက်နေရတဲ့အတွက် ၂၀၂၂ ခုနှစ်မှာ ဈေးချိုတဲ့ လျှပ်စစ်ကားတွေကို မထုတ်လုပ်တော့ဘူးလို့ ပြောခဲ့ပါတယ်။ Musk က မောင်းသူမဲ့ နည်းပညာဟာ ကုန်ကျစားရိတ်များတဲ့အတွက် Tesla ဟာ ဈေးချိုတဲ့ လျှပ်စစ်ကားတွေကို ထုတ်လုပ်ဖို့ အစီအစဉ် မရှိတော့ဘူးလို့ ပြောခဲ့ပါတယ်။
အခုတော့ Tesla ရဲ့ ၂၀၂၂ ခုနှစ် ကွာတား ၃ ဖြစ်တဲ့ ဇူလိုင်လ ကနေ စက်တင်ဘာလအတွက် ငွေစာရင်းရှင်းတမ်း ကြေညာတဲ့ ပွဲမှာ Musk က ဈေးချိုတဲ့ လျှပ်စစ်ကားတွေကို ထုတ်လုပ်ဖို့ အစီအစဉ်ရှိသေးတယ်လို့ ပြောလိုက်ပါတယ်။
Tesla ရဲ့ ဈေးချိုတဲ့ လျှပ်စစ်ကားတွေဟာ ဒေါ်လာ ၂၅,၀၀၀ နဲ့ ၃၅,၀၀၀ အတွင်း ရှိနိုင်ပါတယ်။ Musk က ဈေးချိုတဲ့ လျှပ်စစ်ကားတွေ ထုတ်လုပ်မယ့် အရေအတွက်ဟာ Tesla ရဲ့ တခြား ကား စုစုပေါင်းထက် ပိုများမယ်လို့ ပြောပါတယ်။
Ref : electrek
