vivo က Snapdragon 8s Gen 3 ပါတဲ့ Pad3 ကို ကြေညာလိုက်ပြီး 12GB RAM နဲ့ 512GB Storage အထိ ထည့်သွင်းထားပါတယ်။ Android 14 အခြေပြု OriginOS 4 မောင်းနှင်ထားပါတယ်။
တက်ဘလက်မှာ 12.1” 144Hz LCD 2800x1968p Display တပ်ဆင်ထားပြီး 600 Nits Peak Brightness ထောက်ပံ့ထားပါတယ်။ အနောက်ဘက်မှာ 8MP နဲ့ အရှေ့ဘက်မှာ 5MP ကင်မရာ တပ်ဆင်ထားပြီး 44W Charging ထောက်ပံ့တဲ့ 10,000mAh Battery ပါပါတယ်။
vivo Pad3 မှာ စပီကာ ၆ လုံး တပ်ဆင်ထားပြီး vivo Pencil2 Stylus ၊ Smart Touch Keyboard နဲ့ တွဲဖက် အသုံးပြုနိုင်ပါတယ်။ တက်ဘလက်ရဲ့ အထူက ၆.၅၇ မီလီမီတာ ဖြစ်ပြီး အလေးချိန်က ၅၈၉.၂ ဂရမ် ရှိပါတယ်။ သတ္တုကိုယ်ထည်နဲ့ တည်ဆောက်ထားပြီး Blue, Purple နဲ့ Gray အရောင်တွေ ထုတ်လုပ်ထားပါတယ်။
8GB/128GB, 8GB/256GB, 12GB/256GB နဲ့ 12GB/512GB Version တွေ ထုတ်လုပ်ထားပြီး ၃၄၅ ဒေါ်လာ၊ ၃၈၅ ဒေါ်လာ၊ ၄၂၅ ဒေါ်လာနဲ့ ၄၇၀ ဒေါ်လာ အသီးသီး သတ်မှတ်ထားပါတယ်။ တရုတ်မှာ vivo Pad3 ကို vivo ရဲ့ တရားဝင် ဝက်ဘ်ဆိုက် ကနေ ကြိုတင်မှာယူနိုင်ပြီ ဖြစ်ပြီး ဇူလိုင်လ ၅ ရက်နေ့ ရောင်းချမှာပါ။
Ref : gsmarena
