vivo က အိန္ဒိယမှာ ဒီလ ၂၈ ရက်နေ့ စွမ်းရည်သင့် vivo V29e ကို ကြေညာတော့မယ်လို့ အတည်ပြုလိုက်ပါတယ်။ အဲဒီ စမတ်ဖုန်းရဲ့ ဝက်ဘ်စာမျက်နှာက Teasers တွေမှာ အဓိက Specifications တချို့ကို ဖော်ပြထားပြီး မျက်နှာပြင်ကွေး၊ Autofocus ပါတဲ့ 50MP အရှေ့ ကင်မရာနဲ့ 64MP Main အနောက်ကင်မရာ ( OIS ) တွေ ထည့်သွင်းထားမှာ ဖြစ်ပါတယ်။

vivo V29e launch poster

vivo V29e မှာ လှပတဲ့ အနောက် နှစ်ရောင်စပ် ပါလာမှာ ဖြစ်ပြီး Artistic Design ဖြစ်ပါတယ်။ ကြီးမားတဲ့ ကင်မရာ Rings တွေ ထည့်သွင်းထားမှာ ဖြစ်ပြီး ဖုန်း အရောင်နဲ့ လိုက်ဖက်တဲ့ ဖရိမ်တွေ ပါလာမှာ ဖြစ်ပါတယ်။

vivo V29e ရဲ့ အထူက ၇.၆ မီလီမီတာ ရှိပြီး အလေးချိန်က ၁၈၀ ဂရမ် ဖြစ်ပါတယ်။ ပေါက်ကြားသတင်းတွေအရ Qualcomm Snapdragon 480 သို့မဟုတ် 480+ Chipset မောင်းနှင်ထားမှာ ဖြစ်ပါတယ်။

8-12GB RAM နဲ့ 128-256GB Storage ထည့်သွင်းထားမှာပါ။ 80W Fast Charging ထောက်ပံ့တဲ့ 4,800mAh Battery ပါလာနိုင်ပါတယ်။

vivo V29e ရဲ့ သတင်းအချက်အလက်တွေကို လက်ရှိမှာ ဒီလောက်ပဲ သိရပါသေးတယ်။ တရားဝင် မိတ်ဆက်ပွဲ မတိုင်ခင်မှာ အဲဒီ စမတ်ဖုန်းရဲ့ သတင်းအချက်အလက်‌တွေ ပိုမို ထွက်ပေါ်လာနိုင်ပါတယ်။

Ref : gsmarena