Xiaomi 13 နဲ့ 13 Pro ကို ဒီဇင်ဘာလမှာ ကြေညာမယ်လို့ ထင်ရပါတယ်။ အခုတော့ Bureau of Indian Standards (BIS) ဒေတာဘေ့စ်မှာ တွေ့လာရတဲ့အတွက် အိန္ဒိယမှာ မကြာခင် မိတ်ဆက်နိုင်ပါတယ်။ အရင်သတင်းတွေအရ Xiaomi 13 မှာ Snapdragon 8 Gen 2 Chip နဲ့ အနောက်ကင်မရာ ၃ လုံး ပါလာမယ်လို့ သိခဲ့ရပါတယ်။
အရင်ပေါက်ကြားသတင်းတွေအရ Xiaomi 13 မှာ မကြေညာရသေးတဲ့ Qualcomm Snapdragon 8 Gen 2 Chipset မောင်းနှင်ထားမှာ ဖြစ်ပြီး 12GB RAM နဲ့ 256GB Internal Storage အထိ ပါလာမှာပါ။ ၆.၂ လက်မ Full HD+ AMOLED မျက်နှာပြင် တပ်ဆင်ထားမှာ ဖြစ်ပြီး 1.5K Resolution ရှိမှာပါ။ 50MP Main ကင်မရာနဲ့ Android 13 အခြေပြု MIUI 14 တွေ ထောက်ပံ့ထားမှာ ဖြစ်ပါတယ်။
ပေါက်ကြားခဲ့တဲ့ ဓါတ်ပုံတွေအရ Xiaomi 13 မှာ မျက်နှာပြင်ပြား ပါလာမှာ ဖြစ်ပြီး မျက်နှာပြင်ဘေးဘောင်တွေက ပါးလွှာကာ အလယ်မှာ Punch Hole ၁ ခု တပ်ဆင်ထားမှာပါ။ Xiaomi က ဖုန်းဘေးဘက်တွေကို ပြားချပ်အောင် ပြုလုပ်ထားပြီး လေးထောင့် သေတ္တာ ၁ ခုနဲ့ တူမှာပါ။ စိတ်ဝင်စားစရာကောင်းတာက ဖုန်း အနောက်ဘက် ထောင့်တွေဟာ အနည်းငယ် ကွေးညွှတ်နေတာပါ။ ဖုန်းမှာ အဆင့်မြှင့်ထားတဲ့ ကင်မရာတွေ တပ်ဆင်ထားမှာ ဖြစ်ပြီး စတုရန်း ပုံသဏ္ဍန်အကွက်ထဲမှာ ထည့်သွင်းထားမှာ ဖြစ်ပါတယ်။
Ref : gizmochina
