Xiaomi 13 Ultra ကို ၂၀၂၃ ခုနှစ် ဧပြီလမှာ ကြေညာခဲ့ပြီး နောက်မျိုးဆက် Xiaomi 14 Ultra ကို ၂၀၂၄ ခုနှစ် မတ်လမှာ မိတ်ဆက်နိုင်ပါတယ်။
IMEI (International Mobile Equipment Identity) မှာ မကြာခင်က Xiaomi 14 Ultra ရဲ့ Version ၂ ခုကို စာရင်းတင်ထားပြီး တရုတ်နဲ့ နိုင်ငံတကာ မော်ဒယ်တွေ ဖြစ်ပါတယ်။
မော်ဒယ်နံပါတ်တွေက 24030PN60C နဲ့ 24030PN60G တို့ ဖြစ်ပါတယ်။ “2403” ဟာ ၂၀၂၄ ခုနှစ် မတ်လမှာ ကြေညာမှာကို ညွှန်းဆိုထားတာ ဖြစ်နိုင်ပါတယ်။
Xiaomi ဟာ Xiaomi 14, Xiaomi 14 Pro နဲ့ Xiaomi 14 Ultra ကို ထုတ်လုပ်ရောင်းချမှာ ဖြစ်ပါတယ်။ Xiaomi 14 နဲ့ 14 Pro ဟာ IMEI Database မှာ စာရင်းတင်ထားပြီးပြီ ဖြစ်ပြီး မော်ဒယ်နံပါတ်တွေက တရုတ်နဲ့ နိုင်ငံတကာအတွက် 23127PN0CC/23127PN0CG နဲ့ 23116PN5BC/23116PN5BG တို့ ဖြစ်ကြပါတယ်။
အဲဒီ မော်ဒယ် ၂ လုံးကို ၂၀၂၃ ခုနှစ် နိုဝင်ဘာလ သို့မဟုတ် ဒီဇင်ဘာလမှာ ကြေညာနိုင်ပါတယ်။
ပေါက်ကြားသတင်းတွေအရ Xiaomi 14 Ultra မှာ Qualcomm Snapdragon 8 Gen 3 မောင်းနှင်ထားမယ်လို့ သိရပါတယ်။ အဲဒီဖုန်းရဲ့ Codename က Aurora ဖြစ်တယ်လို့ MIUI Codes မှာ တွေ့ရပါတယ်။
အဲဒီဖုန်းရဲ့ Specs တွေကို မသိရသေးပေမယ့် ခေတ်မီ ဒီဇိုင်း၊ မြင့်မားတဲ့ စွမ်းရည်နဲ့ ထိပ်တန်း ကင်မရာတွေ ပါလာနိုင်ပါတယ်။
Ref : gizmochina
