Xiaomi က ခလုတ် လုံးဝ မပါတဲ့ စမတ်ဖုန်း ၁ လုံးကို ဖန်တီးနေပြီး နောက်နှစ် ပထမနှစ်ဝက်မှာ ကြေညာမယ်လို့ သတင်းထွက်လာပါတယ်။ အဲဒီဖုန်းရဲ့ လျှို့ဝှက်အမည်က Zhuque ဖြစ်ပြီး ခလုတ် လုံးဝ မပါတဲ့အတွက် ဒီဇိုင်းဆန်းသစ် လှပမှာ ဖြစ်ပါတယ်။
အဲဒီ စမတ်ဖုန်းမှာ ခလုတ်တွေ အစား အသုံးပြုထားမယ့် Feature တွေနဲ့ ပတ်သက်တဲ့ သတင်းအချက်အလက်တွေကို မသိရသေးပါဘူး။ ခလုတ်တွေအစား Gesture Controls ၊ ဖိအား အာရုံခံနိုင်တဲ့ Edges နဲ့ Voice Commands တွေကို အသုံးပြုထားနိုင်ပါတယ်။
အဲဒီဖုန်းမှာ Under-display ဆဲလ်ဖီး ကင်မရာ တပ်ဆင်ထားမှာ ဖြစ်ပြီး Xiaomi ရဲ့ နည်းပညာဟာ Samsung ထက် ပိုကောင်းမယ်လို့ မျှော်လင့်ရပါတယ်။ Zhuque မှာ နောက်ထွက်မယ့် Snapdragon 8+ Gen 4 SoC မောင်းနှင်ထားမှာ ဖြစ်ပြီး အဲဒီ Chip ကို Xiaomi 15S Pro မှာလည်း သုံးထားမှာပါ။ Xiaomi 15S Pro ကို ၂၀၂၅ ခုနှစ် ဧပြီလနဲ့ ဇွန်လအတွင်း ကြေညာနိုင်ပါတယ်။
Xiaomi ရဲ့ ခလုတ် မပါတဲ့ စမတ်ဖုန်းဟာ လူကြိုက်များမလားဆိုတာ စောင့်ကြည့်ရမှာပါ။ အဲဒီဖုန်းဟာ Meizu Zero လို မရောင်းချဘဲ ဟန်ပြသက်သက် ဖြစ်လာမလား ဆိုတာ မပြောနိုင်သေးပါဘူး။
Ref : gsmarena
