Huawei ဟာ ၃ ခေါက်ချိုး Foldable စမတ်ဖုန်းကို ဖန်တီးနေပါတယ်။ အဲဒီလို ဖုန်းကို ဖန်တီးနေတာ Huawei ကုမ္ပဏီ ၁ ခုထဲ မဟုတ်ပါဘူး။ Tipster ၁ ယောက်က Xiaomi ဟာလည်း ၃ ခေါက်ချိုး Foldable စမတ်ဖုန်းကို ဖန်တီးနေပြီး တော်တော် တိုးတက်အောင်မြင်နေပြီလို့ ပြောပါတယ်။
အဲဒီ Tipster ဟာ သတင်းပေးတာ မှန်ကန်တဲ့ သမိုင်းကြောင်း ရှိပါတယ်။ သူက အဲဒီ စမတ်ဖုန်းရဲ့ သတင်းအချက်အလက် အသေးစိတ်ကို မပြောပေမယ့် သူ့ကို ယုံကြည်နိုင်တဲ့ အနေအထား ရှိပါတယ်။ အဲဒီ ဖုန်းဟာ Xiaomi Mix Series ထဲက ဖြစ်နိုင်ပါတယ်။ Tipster က အဲဒီဖုန်း သို့မဟုတ် အနည်းဆုံး နမူနာ မော်ဒယ်ကို ၂၀၂၅ ခုနှစ် ဖေဖော်ဝါရီလမှာ ကျင်းပမယ့် Mobile World Congress မှာ မြင်တွေ့ရနိုင်တယ်လို့ ပြောပါတယ်။
အဲဒီ သတင်းသာ မှန်မယ်ဆိုရင် လာမယ့်လတွေအတွင်း အဲဒီဖုန်းအကြောင်းကို ပိုမို သိလာရနိုင်ပါတယ်။ Mobile World Congress ကျင်းပဖို့ နှစ်ဝက်လောက်လိုသေးပြီး Xiaomi ဟာ ပြီးခဲ့တဲ့လကပဲ Foldable ဖုန်း အသစ် ၂ လုံးကို ကြေညာထားတဲ့အတွက် ၃ ခေါက်ချိုးဖုန်းကို မကြာခင် ကြေညာမှာ မဟုတ်သေးပါဘူး။
Huawei ရဲ့ ၃ ခေါက်ချိုးဖုန်းဟာ Z ပုံသဏ္ဍာန် Foldable ဒီဇိုင်း ဖြစ်ပြီး ကုမ္ပဏီရဲ့ စီးပွားရေးဌာနမှ CEO က စက်တင်ဘာလမှာ ကြေညာမယ်လို့ အတည်ပြုထားပါတယ်။ အဲဒီဖုန်းကို တရုတ်မှာပဲ ရောင်းချမလား၊ အကန့်အသတ်နဲ့ ရောင်းချမလားဆိုတာ မသိရသေးပါဘူး။
Ref : gsmarena
