Xiaomi က Redmi 11 5G ကို နောက်လမှာ ရောင်းချမှာ ဖြစ်ပြီး နေ့ရက်အတိအကျကို မသိရသေးပါဘူး။ 91mobiles က အဲဒီ စမတ်ဖုန်းရဲ့ အဓိက Specs တွေနဲ့ အိန္ဒိယ ရောင်းဈေးကို မိတ်ဆက်ပွဲ မတိုင်ခင်မှာ ထုတ်ဖော်ပြောကြားလာပါတယ်။
Redmi 11 5G မှာ ၆.၅၈ လက်မ FHD+ LCD မျက်နှာပြင် ပါလာနိုင်ပြီး 90Hz Refresh Rate ထောက်ပံ့ထားနိုင်ပါတယ်။ MediaTek Dimensity 700 Chipset မောင်းနှင်ထားနိုင်ပြီး အနည်းဆုံး 4GB RAM နဲ့ 64GB Storage ပါလာနိုင်ကာ microSD Card စိုက်နိုင်မှာ ဖြစ်ပါတယ်။
အနောက်ဘက်မှာ 50MP Main နဲ့ 2MP ကင်မရာ ၂ လုံး ပါလာမှာ ဖြစ်ပြီး Macro သို့မဟုတ် Depth ကင်မရာ အကြောင်း မသိရသေးပါဘူး။ အရှေ့ဘက်မှာ 5MP ဆဲလ်ဖီး ကင်မရာ ၁ လုံး တပ်ဆင်ထားမှာ ဖြစ်ပါတယ်။ 18W Charging ထောက်ပံ့တဲ့ 5,000mAh ဘက်ထရီ ပါလာနိုင်ပါတယ်။
Redmi 11 5G ရဲ့ တန်ဖိုးအနည်းဆုံး 4GB/64GB Version ကို အိန္ဒိယမှာ ၁၃,၉၉၉ ရူပီးနဲ့ ရောင်းချမယ်လို့ သတင်းထွက်လာပြီး မြန်မာငွေနဲ့တွက်ရင် ၃၃၀,၀၀၀ ဝန်းကျင် ကျသင့်နိုင်ပါတယ်။ အထက်ဖော်ပြပါ သတင်းအချက်အလက်တွေသာ မှန်ရင် Redmi 10 ထက် အများကြီး တိုးတက်လာမှာပါ။
Ref : gsmarena
