Huawei ဟာ တရုတ် တက်ဘလက် ဈေးကွက်မှာ ရောင်းအားကောင်းနေပါတယ်။ Huawei ဟာ ကွာတား ၂ ခု ဆက်တိုက် Apple ထက် တက်ဘလက် ရောင်းအား ပိုကောင်းခဲ့တယ်လို့ Canalys ရဲ့ စစ်တမ်းမှာ ဖော်ပြထားပါတယ်။
Huawei ဟာ ၂၀၂၄ ခုနှစ် ကွာတား ၂ မှာ တက်ဘလက် ၂၀.၅ သန်း တရုတ်မှာ ရောင်းချနိုင်ခဲ့ပြီး ဈေးကွက်ဝေစု ၂၆ ရာခိုင်နှုန်း ရခဲ့ပါတယ်။ Huawei ဟာ တက်ဘလက် ရောင်းအားမှာ နံပါတ် ၁ ဖြစ်ခဲ့ပြီး အရင်နှစ်ကထက် ၆၆ ရာခိုင်နှုန်း တိုးတက်ခဲ့ပါတယ်။
ဒီအောင်မြင်မှုဟာ Huawei ရဲ့ ရောင်းချတဲ့ နည်းဗျူဟာကြောင့် ဖြစ်ပါတယ်။ Huawei ရဲ့ MatePad Series ဟာ နာမည်ကြီးပြီး မကြာခင်က ရောင်းချခဲ့တဲ့ MatePad Pro 12.2 ဟာ တရုတ်မှာ လူကြိုက်များပါတယ်။
Apple ကတော့ ကွာတား ၂ မှာ တက်ဘလက် ၂၀.၁ သန်း ရောင်းချနိုင်ခဲ့ပြီး Huawei အနောက်က လိုက်နေပါတယ်။ Apple ဟာ အရင်နှစ်ကထက် ရောင်းအား ၁၄ ရာခိုင်နှုန်း ကျဆင်းသွားပါတယ်။
တရုတ်ရဲ့ တက်ဘလက် ဈေးကွက်မှာ Xiaomi နဲ့ Honor တို့ကလည်း အောင်မြင်နေပါတယ်။ Xiaomi ဟာ ကွာတား ၂ မှာ တက်ဘလက် ၉.၂၅ သန်း ရောင်းချနိုင်ပြီး Honor က ၆.၅ သန်း ရောင်းချနိုင်ခဲ့ပါတယ်။
Ref : gizmochina
