Vivo က X Note စမတ်ဖုန်းကို တရုတ်မှာ ကြေညာလိုက်ပြီး အရွယ်ကြီးမားတဲ့ ၇ လက်မ မျက်နှာပြင်နဲ့ ZEISS Lens တွေ ပါလာပါတယ်။ Vivo X Note ဟာ စွမ်းရည်မြင့် ဖုန်း ဖြစ်ပြီး မျက်နှာပြင် ဘေးဘက်တွေက ကွေးညွှတ်တဲ့ ဒီဇိုင်း ဖြစ်ပါတယ်။ LTPO 3.0 E5 AMOLED မျက်နှာပြင် ဖြစ်ပြီး QHD+ Resolution ရှိပါတယ်။ 120Hz Refresh Rate ထောက်ပံ့ထားပြီး အမြင့်ဆုံး Brightness က 1500 nits ဖြစ်ပါတယ်။ 3D Ultrasonic In-screen Fingerprint Scanner ထည့်ထားပြီး ဘယ်ဘက်ခြမ်းမှာ Alert Slider တပ်ဆင်ထားပါတယ်။
Snapdragon 8 Gen 1 Chipset မောင်းနှင်ထားပြီး 8GB/12GB LPDDR5 RAM နဲ့ 256GB/512GB UFS 3.1 Storage တွေ ထုတ်လုပ်ထားပါတယ်။ Image Optimization အတွက် Vivo V1 Chip ပါလာပြီး Dual SIM Slot တပ်ဆင်ထားပါတယ်။ IP68 စံနှုန်း ပါတဲ့အတွက် ရေစိုခံပြီး ဖုန်မဝင်အောင်ကာကွယ်ပေးနိုင်သလို IR Blaster ထည့်ထားပါတယ်။
80W Wired နဲ့ 50W Wireless Fast Charging ပါတဲ့ 5,000mAh ဘက်ထရီ ပါလာပြီး ၃၂ မိနစ်အတွင်း အားအပြည့်ဖြည့်ပေးနိုင်တယ်လို့ Vivo က ပြောပါတယ်။ မောင်းနှင်ထားတဲ့ OS က Android 12 ဖြစ်ပါတယ်။
အနောက်ဘက်မှာ 50MP Samsung GN 1 (OIS) Main , 48MP Ultrawide , 12MP Portrait နဲ့ 8MP Periscope Telephoto (OIS) ကင်မရာ ၄ လုံးထည့်သွင်းထားပြီး Telephoto Sensor က 5x Optical Zoom နဲ့ 60x Digital Zoom ကို ထောက်ပံ့ထားပါတယ်။ အရှေ့ဘက်မှာ 8MP ဆဲလ်ဖီး ကင်မရာ ၁ လုံး ပါလာပါတယ်။
အနက်၊ အပြာနဲ့ အညိုရောင် ထုတ်လုပ်ထားပြီး တန်ဖိုးအနည်းဆုံး မော်ဒယ်ဟာ ၁၇ သိန်းဝန်းကျင် ကျသင့်မှာပါ။ ဈေးနှုန်း အပြည့်အစုံကို အောက်မှာ လေ့လာနိုင်ပြီး တရုတ်မှာ ဒီလ ၁၅ ရက်နေ့ ရောင်းမှာပါ။
8GB + 256GB – CNY 5,999(~$942)
12GB + 256GB – CNY 6,499(~$1,020)
12GB + 512GB – CNY 6,999(~$1,100)
Ref : gizmochina
