Amazfit ဟာ နောက်မျိုးဆက် Fitness Tracker ၁ ခုကို ကြေညာဖို့ ပြင်ဆင်နေပါတယ်။ အဲဒါက Amazfit Band 7 ဖြစ်ပြီး လွန်ခဲ့တဲ့ နှစ်အနည်းငယ်က ကြေညာခဲ့တဲ့ Amazfit Band 5 ရဲ့ မျိုးဆက်သစ် ဖြစ်ပါတယ်။ အခုတော့ Amazfit Band 7 ရဲ့ သတင်းအချက်အလက်တွေ အွန်လိုင်းမှာ ပေါက်ကြားလာပါတယ်။
Photo – Amazfit Band 5
Amazfit Band 7 မှာ ၄.၇ လက်မ AMOLED 194×368 pixels မျက်နှာပြင် တပ်ဆင်ထားမှာ ဖြစ်ပြီး အမြင့်ဆုံး Brightness က 500 nits ရှိမှာပါ။ PPG Heart Rate Sensor တပ်ဆင်ထားပြီး အချိန်ပြည့် နှလုံးခုန်နှုန်းကို တိုင်းတာပေးနိုင်ပါတယ်။ ဒါ့အပြင် အိပ်စက်မှု အခြေအနေနဲ့ စိတ်ဖိစီးမှုတွေကို တိုင်းတာပေးပြီး ချိတ်ဆက်ထားတဲ့ စမတ်ဖုန်းက Notification တွေကို ပြသပေးနိုင်ပါတယ်။
Photo – Amazfit Band 5
Sports Mode ပေါင်း ၁၀၀ ကျော်ကို ထောက်ပံ့ပေးထားပြီး လေ့ကျင့်ခန်း လုပ်ရင် အလိုလို သိတဲ့ Mode ထည့်သွင်းပေးထားပါတယ်။ 8GB RAM နဲ့ 128GB Storage ပါလာမှာ ဖြစ်ပြီး Android 5.0 ၊ iOS 10.0 နဲ့အထက် စမတ်ဖုန်းတွေနဲ့ Bluetooth 5.1 ကနေ ချိတ်ဆက်နိုင်ပါတယ်။
ရေအနက် မီတာ ၅၀ အထိ ဝတ်ဆင်နိုင်ပြီး အလေးချိန်က ၂၈ ဂရမ် ရှိပါတယ်။ 230mAh ဘက်ထရီ ထည့်သွင်းထားပြီး သာမာန် သုံးရင် ၁၈ ရက်အထိ အသုံးခံကာ အလွန်အကျွံအသုံးပြုရင် ၉ ရက် အသုံးခံပါတယ်။ ဒီနှစ် နှောင်းပိုင်းမှာ ကြေညာမှာ ဖြစ်ပြီး ဒေါ်လာ ၅၀ ဝန်းကျင်နဲ့ ရောင်းချနိုင်ပါတယ်။
Ref : gizmochina
