ဟွန်ဒိုင်း က လူတူစက်ရုပ်တွေကို အမေရိကန် နိုင်ငံ ဂျော်ဂျီယာမှ ကားထုတ်လုပ်တဲ့ စက်ရုံမှာ အသုံးပြုမှာ ဖြစ်ပြီး ဒီနှစ်ကုန်မှာ ကားထုတ်လုပ်တပ်ဆင်မှုရဲ့ ၄၀ ရာခိုင်နှုန်းကို လူတူစက်ရုပ်တွေက ပြုလုပ်ဖို့ ရည်မှန်းထားပါတယ်။
ကုမ္ပဏီက Boston Dynamics ရဲ့ Atlas စက်ရုပ်တွေကို အသုံးပြုမှာ ဖြစ်ပြီး ကားထုတ်လုပ်တဲ့ လုပ်ငန်းမှာ အဲဒီ စက်ရုပ်တွေကို ပထမဆုံး အကြိမ် အသုံးပြုမှာ ဖြစ်ပါတယ်။
ဒီစီမံကိန်းဟာ ဟွန်ဒိုင်းရဲ့ အမေရိကန်မှာ ဒေါ်လာ ၂၁ ဘီလီယမ် ရင်းနှီးမြှပ်နှံမှုရဲ့ တစ်စိတ်တစ်ပိုင်း ဖြစ်ပါတယ်။ အဲဒီအထဲမှာ ဒေါ်လာ ၆ ဘီလီယမ်ကို တီထွင်ဆန်းသစ်မှုအတွက် အသုံးပြုမှာ ဖြစ်ပါတယ်။
ဟွန်ဒိုင်းက လာမယ့်နှစ်တွေအတွင်း ကားထုတ်လုပ်တဲ့ လုပ်ငန်းမှာ စက်ရုပ်ထောင်ပေါင်းများစွာကို အသုံးပြုမှာ ဖြစ်ပြီး Atlas ဟာ အဓိကကျတဲ့ နေရာမှာ ပါဝင်လာမှာ ဖြစ်ပါတယ်။
Atlas စက်ရုပ်တွေဟာ အဆင့်မြင့်နည်းပညာကို အသုံးပြုပြီး အလွန်တိကျမှု လိုအပ်တဲ့ ကား အစိတ်အပိုင်းတွေကို အစီအစဉ်အလိုက် နေရာချတာလို ရှုပ်ထွေးတဲ့ အလုပ်တွေကို ပြုလုပ်ကြမှာ ဖြစ်ပါတယ်။
Ref : Technology Innovation
