Realme C73 ကို အိန္ဒိယမှာ မိတ်ဆက်လိုက်ပါပြီ။ ဒါဟာ Realme C75 ထက် ဈေးပိုသက်သာတဲ့ မော်ဒယ် တစ်ခုဖြစ်ပြီး ဈေးနှုန်းကို ပိုမိုလျှော့ချနိုင်ဖို့အတွက် လုပ်ဆောင်ချက်အချို့ကို လျှော့ချထားပါတယ်။
ဒီဖုန်းအသစ်မှာ 5G-enabled chipset နဲ့ 6,000 mAh ဘက်ထရီကို ထည့်ထားပေမယ့် အားသွင်းနှုန်းကို လျှော့ချထားပြီး RAM ရွေးချယ်စရာ တစ်ခု လျော့နည်းသွားပါတယ်။
Realme C73 မှာ ကုမ္ပဏီရဲ့ C-series ဖုန်းများစွာမှာ အသုံးပြုခဲ့ဖူးတဲ့ လူသိများတဲ့ 6.67″ HD+ resolution LCD မျက်နှာပြင် ပါဝင်ပါတယ်။ ရှေ့မျက်နှာပြင်မှာ 32 MP ဆယ်လ်ဖီကင်မရာအတွက် punch hole တစ်ခုတည်းပါဝင်ပြီး ကျောဘက်က ပင်မကင်မရာမှာလည်း 32 MP sensor နောက်တစ်ခု ပါဝင်ပါတယ်။
အတွင်းပိုင်း ချစ်ပ်ကတော့ Dimensity 6300 ဖြစ်ပြီး 4 GB RAM နဲ့ 64 GB သို့မဟုတ် 128 GB သိုလှောင်မှု ပမာဏတို့နဲ့ တွဲဖက်ထားပါတယ်။
ဈေးနှုန်းသင့်တင့်တဲ့ ဖုန်းတစ်လုံးအတွက် ဘက်ထရီပမာဏက တကယ်ကို အထင်ကြီးစရာကောင်းပေမယ့် Realme က ပိုပြီး ရိုးရှင်းတဲ့ အားသွင်းစနစ်ကို ရွေးချယ်ခဲ့ပါတယ်။ ဒါကြောင့် 15W ကြိုးတပ်အားသွင်းစနစ်ကိုသာ ထောက်ပံ့ပေးပြီး 5W reverse wired charging လည်း ပေးထားပါတယ်။ ဒီဖုန်းဟာ 7.94mm အထူပဲ ရှိတဲ့အတွက် တော်တော် ပါးပါတယ်။
Realme C73 မှာ Android 15 အခြေပြု Realme UI 6.0 ပါဝင်ပါတယ်။ ဒီဖုန်းမှာ MIL-STD-810H စံနှုန်းပါလာပြီး အကြမ်းခံသလို တုန်ခါမှုကို ခံနိုင်ပါတယ်။
ဒီဖုန်းကို အရောင်သုံးရောင်နဲ့ ရရှိနိုင်ပါတယ်- Jade Green (ကျောက်စိမ်းစိမ်း)၊ Onyx Black (အနက်ရောင်) နဲ့ Crystal Purple (ခရမ်းရောင်) တို့ ဖြစ်ပါတယ်။ Realme C73 ကို Realme.com၊ Flipkart နဲ့ ပါတနာ မြေပြင် စတိုးတွေမှာ 4/64 GB အတွက် INR 10,499 ($125/€110) နဲ့ 4/128 GB အတွက် INR 11,499 ($135/€120) နဲ့ စတင်ရောင်းချနေပြီ ဖြစ်ပါတယ်။
Ref : gsmarena
