လိမ္မော်ရောင် iPhone 17 Pro နဲ့ 17 Pro Max မော်ဒယ်တွေမှာ ထူးထူးဆန်းဆန်း အရောင်လွင့်နေတယ်လို့ သုံးစွဲသူတချို့က Reddit မှာ ပို့စ်တင်ထားကြပါတယ်။ အဲဒီပြဿနာဖြစ်နေတဲ့ လူတွေ ပိုများလာနေပါတယ်။
တကယ်တော့၊ အဲဒီပြဿနာ ကြုံနေရတာ Cosmic Orange အရောင် တစ်ခုတည်း မဟုတ်ပါဘူး။ Deep Blue iPhone 17 Pro နဲ့ 17 Pro Max တွေမှာလည်း အတူတူပဲ အရောင်လွင့်တဲ့ ပြဿနာ ကြုံနေရတယ်လို့ သတင်းပို့ကြပါတယ်။ အဲဒီပြဿနာဟာ ကင်မရာဘောင် (camera island) ကနေ စဖြစ်ပုံရပါတယ်၊ ဒါပေမဲ့ နောက်ဆုံးမှာတော့ အလယ်က မှန်သား (matte glass) ကလွဲလို့ အလူမီနီယမ်ကိုယ်ထည်တစ်ခုလုံးကို ပျံ့နှံ့သွားပါတယ်။
သုံးစွဲသူတချို့ကတော့ အဲဒီပြဿနာဟာ အပြင်ဘက်က ခရမ်းလွန်ရောင်ခြည် (UV light) ကြောင့် ဖြစ်ရတာလို့ ပြောကြပါတယ်။ ပြဿနာကြုံရသူအများစုက သူတို့ရဲ့ iPhone တွေဟာ နေပူထဲမှာ ခဏလောက် အပြင်ထွက်ပြီးတဲ့နောက်မှာ အရောင်တွေ စပြီး လွင့်လာတာလို့ ပြောကြပါတယ်။
ဒီတော့ ခင်ဗျားကသာ Rose Gold အရောင်ကို လွမ်းနေတယ်ဆိုရင်၊ Cosmic Orange တစ်လုံးကို ယူ၊ နေပူထဲမှာ ခဏလောက် ထုတ်ထားလိုက်ရုံပါပဲ၊ ဒါဆိုရင် ထူးခြားတဲ့ Rose Gold iPhone 17 Pro Max တစ်လုံးကို ရသွားမှာပါ။
အဲဒီပြဿနာက ဘယ်လောက်အထိ ပျံ့နှံ့နေလဲဆိုတာတော့ ရှင်းရှင်းလင်းလင်း မသိရသေးပါဘူး၊ Apple အနေနဲ့ ပြဿနာဖြစ်နေတဲ့ ဖုန်းတွေကို အသစ်တွေနဲ့ လဲလှယ်ပေးမယ်လို့တော့ မျှော်လင့်ရပါတယ်။
Ref : gsmarena
