တရုတ်နိုင်ငံ၊ ကျန်းရှီးပြည်နယ်က မူလတန်းကျောင်းလေးတစ်ကျောင်းမှာတော့ ဆရာတစ်ယောက်နဲ့ ကျောင်းသားလေးတွေ ပေါင်းပြီး စိတ်လှုပ်ရှားစရာကောင်းတဲ့ သိပ္ပံစမ်းသပ်မှုတစ်ခုကို လုပ်ဆောင်ခဲ့ကြပါတယ်။
အဲဒါကတော့ ပလတ်စတစ်ဘူးခွံတွေကိုပဲ အသုံးပြုပြီး တကယ့်ဒုံးပျံတွေလို အဆင့်နှစ်ဆင့်ခွဲ ဖြုတ်ချနိုင်တဲ့ ရေဒုံးပျံ (Water Rocket) ကို တီထွင်လွှတ်တင်နိုင်ခဲ့တာပါ။ ဒီဒုံးပျံကို မောင်းနှင်ဖို့အတွက် ရှုပ်ထွေးတဲ့ လောင်စာတွေ မလိုဘဲ ရေနဲ့ လေဖိအားကိုပဲ အဓိက အသုံးပြုထားတာ ဖြစ်ပါတယ်။ ဘူးတစ်လုံးစီက ဒုံးပျံရဲ့ အဆင့်တစ်ဆင့်စီအဖြစ် တာဝန်ယူ ပုံဖော်ထားတာပါ။
အထူးခြားဆုံးကတော့ ဒီစီမံကိန်းကို ကုန်ကျစရိတ် အများကြီး မသုံးဘဲ အလွယ်တကူ ရှာဖွေရရှိနိုင်တဲ့ ပစ္စည်းတွေနဲ့ပဲ အတန်းတွင်း စမ်းသပ်မှုတစ်ခုအနေနဲ့ ဖန်တီးခဲ့တာ ဖြစ်ပါတယ်။
ဒီလက်တွေ့စမ်းသပ်မှုဟာ ဖိအားနဲ့ တွန်းကန်အားဆိုင်ရာ သဘောတရားတွေကို စာအုပ်ထဲမှာပဲ ဖတ်နေရတာထက် လက်တွေ့မျက်မြင် လေ့လာခွင့် ရစေခဲ့ပါတယ်။ ဆရာရဲ့ လမ်းညွှန်မှုအောက်မှာ ကျောင်းသားတွေ ကိုယ်တိုင် ပါဝင်ခွင့်ရတဲ့ ဒီလိုစမ်းသပ်မှုတွေက လက်တွေ့ကျတဲ့ ပညာရေးစနစ်ရဲ့ ပြယုဂ်တစ်ခုပါပဲ။
Ref : Fossbytes
