တောင်ကိုရီးယား cryptocurrency exchange တစ်ခုဖြစ်တဲ့ Bithumb ဟာ ပရိုမိုးရှင်း အစီအစဉ်ရဲ့ ဆုကြေးအဖြစ် အမေရိကန်ဒေါ်လာ ၄၀ ဘီလီယံကျော် တန်ဖိုးရှိတဲ့ Bitcoin တွေကို သုံးစွဲသူတွေဆီ မှားယွင်းထည့်သွင်းပေးမိခဲ့တယ်လို့ စနေနေ့က ထုတ်ပြန်ကြေညာလိုက်ပါတယ်။ ဒီအမှားကြောင့် exchange မှာ ရောင်းချမှုတွေ ဒလဟော မြင့်တက်သွားခဲ့ပါတယ်။
သောကြာနေ့က ဖြစ်ပွားခဲ့တဲ့ ဒီအမှားအတွက် Bithumb က အမြန်ဆုံး တောင်းပန်ခဲ့ပြီး လက်ရှိပေါက်ဈေးနဲ့ ဒေါ်လာ ၄၄ ဘီလီယံဝန်းကျင် တန်ကြေးရှိတဲ့ Bitcoin ပေါင်း ၆၂၀,၀၀၀ ရဲ့ ၉၉.၇ ရာခိုင်နှုန်းကို အောင်မြင်စွာ ပြန်လည်ရယူနိုင်ခဲ့ပြီလို့ ဆိုပါတယ်။ ဒီကိစ္စနဲ့ပတ်သက်ပြီး တုံ့ပြန်တဲ့အနေနဲ့ Bithumb ဟာ မှားယွင်းထည့်သွင်းမိပြီး ၃၅ မိနစ်အတွင်းမှာပဲ သက်ဆိုင်ရာ သုံးစွဲသူ ၆၉၅ ဦးရဲ့ အရောင်းအဝယ်နဲ့ ငွေထုတ်ယူမှုတွေကို ကန့်သတ်လိုက်ပါတယ်။
ဒီဖြစ်ရပ်ကြောင့် အထူးသဖြင့် ပမာဏများပြားတဲ့ ပရိုမိုးရှင်းတွေ ပေးလေ့ရှိတဲ့ cryptocurrency exchange တွေရဲ့ လုပ်ငန်းလည်ပတ်မှုဆိုင်ရာ အန္တရာယ်တွေနဲ့ လုံခြုံရေး အစီအမံတွေအပေါ် မေးခွန်းထုတ်စရာ ဖြစ်လာစေပါတယ်။
Ref : MES Times
