တရုတ် စက်ရုပ်ကုမ္ပဏီ XGSynBot က သူတို့ရဲ့ အဆင့်မြင့် လူတူစက်ရုပ် Z1 ကို Silicon Valley နဲ့ Beijing မြို့တွေမှာ တပြိုင်နက်တည်း ခမ်းနားစွာ မိတ်ဆက်ပြသလိုက်ပါတယ်။
အဲဒီ ဘီးတပ်စက်ရုပ်ဟာ သာမန်စက်ရုပ်တွေနဲ့မတူဘဲ စက်ရုံတစ်ရုံလုံးမှာရှိတဲ့ မတူညီတဲ့ လုပ်ငန်းခွင်တွေကြား အလွယ်တကူ ကူးလူးသွားလာပြီး ခက်ခဲတဲ့ စက်မှုလုပ်ငန်းတွေကို ကျွမ်းကျင်စွာ လုပ်ဆောင်ပေးနိုင်ဖို့ အထူးဖန်တီးထားတာပါ။
အံ့သြစရာအကောင်းဆုံး အချက်ကတော့ သူ့ရဲ့ လက်တံတွေကို လိုအပ်သလို အမြန်ဆုံး လဲလှယ်နိုင်တာပါပဲ။ ပစ္စည်းတွေ ဖမ်းဆုပ်တဲ့ ကိရိယာတွေ၊ ဂဟေဆော်တဲ့ စက်တွေနဲ့ စုပ်ခွက်တွေ စတဲ့ တန်ဆာပလာတွေကို ၆ စက္ကန့်အတွင်း ဖြုတ်တပ်လဲလှယ်နိုင်တဲ့ စနစ် ပါဝင်ပါတယ်။
စက်ရုံလုပ်ငန်းတွေ ချောမွေ့တည်ငြိမ်စွာ လည်ပတ်နိုင်ဖို့အတွက် လုပ်ငန်းစဉ် ကြိုတင်ရေးဆွဲတာနဲ့ အချိန်နဲ့တစ်ပြေးညီ မော်တာလှုပ်ရှားမှုကို ထိန်းချုပ်ပေးတဲ့ အဆင့်မြင့် စနစ်နှစ်ခုကို ပေါင်းစပ်အသုံးပြုထားပါတယ်။
ဒါ့အပြင် လျှပ်စစ်ပစ္စည်းထုတ်လုပ်ရေး၊ မော်တော်ကားလုပ်ငန်းနဲ့ ပြန်လည်ပြည့်ဖြိုးမြဲစွမ်းအင် ကဏ္ဍတွေမှာ အဲဒီလို စက်မှုသုံး လူတူစက်ရုပ်တွေကို ပိုမိုကျယ်ကျယ်ပြန့်ပြန့် အသုံးပြုလာနိုင်ဖို့ ရည်ရွယ်ပြီး XGSynBot က သူတို့ရဲ့ STARFIRE ဂေဟစနစ်ကိုပါ တစ်ပါတည်း မိတ်ဆက်သွားခဲ့ပါတယ်။
Ref : Fossbytes
