လူသိများထင်ရှားတဲ့ ထိုင်းခရီးသွားဘလော့ဂါ Bowornthat Pengsuk (ခေါ်) Hlun Solo ကွယ်လွန်သွားပြီးနောက် ဖန်တီးရှင် (Creator)တွေရဲ့ ဒစ်ဂျစ်တယ်ပိုင်ဆိုင်မှုတွေ၊ မူပိုင်ခွင့်တွေနဲ့ ပလက်ဖောင်းကနေ ရရှိတဲ့ ဝင်ငွေတွေကို ဘယ်လိုစီမံခန့်ခွဲမလဲဆိုတဲ့ အရေးကြီးတဲ့ မေးခွန်းတွေ ထွက်ပေါ်လာပါတယ်။
🛑YouTube ရဲ့ မူဝါဒ
YouTube အကောင့်ကနေ ရရှိတဲ့ ဝင်ငွေတွေကို ဆက်ခံဖို့အတွက် တရားဝင်သက်သေခံထားတဲ့ သေတမ်းစာ၊ မှတ်ပုံတင် သို့မဟုတ် ယာဉ်မောင်းလိုင်စင်နဲ့ သေဆုံးကြောင်းလက်မှတ်တွေ လိုအပ်ပါတယ်။ အတည်ပြုချက်ရရှိပြီးရင် ဝင်ငွေတွေကို သတ်မှတ်ထားတဲ့ ဘဏ်အကောင့်အသစ်ဆီ လွှဲပြောင်းပေးမှာ ဖြစ်ပါတယ်။
🛑အမွေဆက်ခံခွင့်နဲ့ ပလက်ဖောင်းတွေရဲ့ စည်းကမ်းချက်များ
ဥပဒေပညာရှင်တွေရဲ့ အဆိုအရ ဖန်တီးရှင်ရဲ့ မူပိုင်ခွင့်နဲ့ ဝင်ငွေရရှိခွင့်တွေဟာ အမွေဆက်ခံသူတွေဆီကို သက်ဆိုင်ရာဥပဒေတွေအရ ရောက်ရှိသွားမှာ ဖြစ်ပါတယ်။ ဒါပေမဲ့ အဲဒီ အခွင့်အရေးတွေကို အသုံးပြုဖို့အတွက် ပလက်ဖောင်းတစ်ခုချင်းစီရဲ့ သတ်မှတ်ထားတဲ့ စည်းကမ်းချက်တွေနဲ့ စိစစ်ရေးလုပ်ငန်းစဉ်တွေကို မဖြစ်မနေ လိုက်နာရမှာ ဖြစ်ပါတယ်။
🛑မူပိုင်ခွင့်နဲ့ အမွေဆက်ခံခြင်း
ထိုင်းနိုင်ငံရဲ့ မူပိုင်ခွင့်ဥပဒေအရ YouTube ဗီဒီယိုတွေဟာ အသံနဲ့ရုပ်ပိုင်းဆိုင်ရာ ဖန်တီးမှုတွေ ဖြစ်တဲ့အတွက် ပထမဆုံး စတင်လွှင့်တင်တဲ့ အချိန်ကစပြီး နှစ် ၅၀ အထိ မူပိုင်ခွင့် အကာအကွယ်ရရှိမှာ ဖြစ်ပါတယ်။ မူပိုင်ခွင့်ဟာ တခြားပိုင်ဆိုင်မှုတွေလိုပဲ လွှဲပြောင်း၊ ရောင်းချ၊ အမွေဆက်ခံနိုင်တဲ့ အရာတစ်ခု ဖြစ်ပါတယ်။
🛑တရားဝင် အမွေဆက်ခံခွင့်ရှိသူများ
သေတမ်းစာ မရှိဘူးဆိုရင် ဥပဒေအရ အမွေဆက်ခံခွင့်ရှိသူတွေ (ကလေးတွေ၊ မိဘတွေ၊ မောင်နှမတွေနဲ့ အိမ်ထောင်ဖက်) က အမွေဆက်ခံခွင့် ရရှိမှာ ဖြစ်ပါတယ်။
🛑စီမံခန့်ခွဲမှု
အမွေဆက်ခံသူတွေအနေနဲ့ တရားရုံးမှာ အမွေထိန်းအဖြစ် လျှောက်ထားပြီးမှ သေဆုံးသူရဲ့ YouTube အကောင့်နဲ့ ဝင်ငွေတွေကို တရားဝင် စီမံခန့်ခွဲခွင့် ရရှိမှာ ဖြစ်ပါတယ်။
Ref : Bangkokpost
