နာမည်ကြီး လူမှုကွန်ရက်တစ်ခုဖြစ်တဲ့ TikTok နဲ့ သူ့ရဲ့ မိခင်ကုမ္ပဏီ ByteDance တို့ဟာ ကလေးငယ်တွေရဲ့ အွန်လိုင်းကိုယ်ရေးအချက်အလက် လုံခြုံမှုကို ချိုးဖောက်တယ်ဆိုတဲ့ အမေရိကန်တရားရေးဌာနရဲ့ စွပ်စွဲချက်တွေကို အဆုံးသတ်ဖို့အတွက် အမေရိကန်ဒေါ်လာ သန်း ၄၀၀ အထိ ပေးလျော်ဖို့ သဘောတူလိုက်ပြီဖြစ်ပါတယ်။ ဒါဟာ ကလေးငယ်တွေရဲ့ လုံခြုံရေးနဲ့ပတ်သက်ပြီး ကြီးမားတဲ့ ပေးလျော်မှုတစ်ခုလည်း ဖြစ်ပါတယ်။
ဒီပြဿနာဟာ ၂၀၂၄ ခုနှစ်မှာ စတင်ခဲ့တာဖြစ်ပြီး အသက် ၁၃ နှစ်အောက် ကလေးတွေဆီကနေ ကိုယ်ရေးအချက်အလက်တွေ ရယူတဲ့နေရာမှာ မိဘတွေရဲ့ ခွင့်ပြုချက်မယူခဲ့ဘူးဆိုပြီး တရားစွဲခံခဲ့ရတာပါ။ အခုရရှိခဲ့တဲ့ သဘောတူညီချက်အရ TikTok ဟာ ကန်ဒေါ်လာ သန်း ၃၀၀ ကို ချက်ချင်းပေးချေရမှာဖြစ်ပြီး ကျန်ရှိနေတဲ့ သန်း ၁၀၀ ကိုတော့ နောက်ပိုင်းမှာ ဆက်လက်ပေးချေသွားရမှာ ဖြစ်ပါတယ်။
ဒီလို ကြီးမားတဲ့ စွပ်စွဲချက်တွေနဲ့ ပတ်သက်ပြီး TikTok ဘက်ကတော့ သူတို့ရဲ့ လုံခြုံရေးစနစ်တွေကို အကြီးအကျယ် အဆင့်မြှင့်တင်ထားတယ်လို့ တုံ့ပြန်ထားပါတယ်။ အသုံးပြုသူတိုင်းကို မွေးသက္ကရာဇ် မဖြစ်မနေ ထည့်သွင်းခိုင်းတာအပြင် အသက်မပြည့်သေးတဲ့ အကောင့်တွေကို နည်းပညာသုံးပြီး ရှာဖွေဖျက်သိမ်းတဲ့ စနစ်တွေကိုပါ ထိထိရောက်ရောက် အသုံးပြုနေပြီလို့ ရှင်းလင်းပြောဆိုထားပါတယ်။
Ref : Channel News Asia
