Apple က အသစ်စက်စက် iPhone 18 Pro စီးရီးနဲ့ ခေါက်ဖုန်း iPhone Duo ကို မိတ်ဆက်လိုက်ချိန်မှာ ဖုန်းဟောင်းတွေ စျေးကျမယ်လို့ ထင်ထားရင်တော့ မှားသွားပါပြီ။ မထင်မှတ်ဘဲ လက်ရှိ iPhone 17 စီးရီး၊ iPhone 17e , iPhone Air နဲ့ iPhone 16 မော်ဒယ်တွေရဲ့ စျေးနှုန်းတွေကို Apple က ကပ်ဒိုးလေး မြှင့်တင်လိုက်ပါတယ်။
အဲဒီမော်ဒယ်တွေ အကုန်လုံးဟာ နဂိုစျေးထက် ဒေါ်လာ ၁၀၀ စီ ပိုတက်သွားတာ ဖြစ်ပါတယ်။ အခုဆိုရင် အမေရိကန်စျေးကွက်မှာ အခြေခံ iPhone 17 ကို ၈၉၉ ဒေါ်လာ၊ iPhone 17e ကို ၆၉၉ ဒေါ်လာ၊ iPhone Air ကို ၁၀၉၉ ဒေါ်လာနဲ့ iPhone 16 ကို ၇၉၉ ဒေါ်လာကနေ စတင်ဝယ်ယူရတော့မှာပါ။
ထုံးစံအားဖြင့် မော်ဒယ်သစ်ထွက်ရင် အဟောင်းတွေကို စျေးချရောင်းလေ့ရှိပေမယ့် အခုလို ရှားရှားပါးပါး စျေးတက်သွားရတာဟာ မှတ်ဉာဏ်ချစ်ပ် (memory) ပစ္စည်းပြတ်လပ်မှု အခက်အခဲတွေကြောင့်လို့ သိရပါတယ်။ ဒီစျေးတက်တဲ့ ဂယက်ဟာ iPhone တွေမှာသာမက Mac၊ iPad နဲ့ HomePod တွေမှာပါ သက်ရောက်သွားပြီ ဖြစ်ပါတယ်။
Ref : gsmarena
