Honor က တရုတ်မှာ စွမ်းရည်သင့် 5G စမတ်ဖုန်း ၁ လုံးကို ကြေညာလိုက်ပါတယ်။ Honor X50i+ လို့ အမည်ပေးထားပြီး 6.7” OLED FHD+ မျက်နှာပြင် တပ်ဆင်ထားပါတယ်။ 90Hz Refresh Rate နဲ့ 2,000 Nits Brightness ထောက်ပံ့ထားပါတယ်။
အရှေ့ဘက်မှာ 8MP ကင်မရာ ၁ လုံး တပ်ဆင်ထားပြီး အနောက်ဘက်မှာ 108MP Main နဲ့ 2MP Depth ကင်မရာ ၂ လုံး ပါလာပါတယ်။
Honor X50i+ မှာ Dimensity 6080 Chipset မောင်းနှင်ထားပြီး 12GB LPDDR4x RAM, 8GB Virtual RAM နဲ့ 512GB Storage အထိ ရွေးချယ်နိုင်ပါတယ်။ Android 13 အခြေပြု Magic OS မောင်းနှင်ထားပြီး 35W Charging ထောက်ပံ့တဲ့ 4,500mAh Battery ပါပါတယ်။
လုံခြုံရေးအတွက် ဘေးဘက်လက်ဗွေရာ ကိရိယာ တပ်ဆင်ထားပြီး အရွယ်အစား အပြည့်အစုံက 161.05 x 74.55 x 6.78mm ဖြစ်ကာ အလေးချိန်က ၁၆၆ ဂရမ် ဖြစ်ပါတယ်။
12GB RAM+256GB Storage နဲ့ 12GB RAM+512GB Storage ကို ၂၁၉ ဒေါ်လာနဲ့ ၂၄၇ ဒေါ်လာ သတ်မှတ်ထားပါတယ်။ Pink , Green နဲ့ Black အရောင်တွေ ထုတ်လုပ်ထားပါတယ်။
Honor X50i+ ဟာ 90Hz LCD မျက်နှာပြင်၊ Dimensity 6020 Chip ၊ 50MP ကင်မရာပါတဲ့ OPPO A2 5G ကို ယှဉ်ပြိုင်မှာ ဖြစ်ပါတယ်။
Ref : gizmochina
