Apple ရဲ့ Foldable iPhone သတင်းတွေ ထွက်နေတာ ကြာပါပြီ။ အခုတော့ လေ့လာဆန်းစစ်သူ Ming-Chi Kuo က အဲဒီဖုန်းကို ၂၀၂၆ ခုနှစ် နှောင်းပိုင်းမှာ ကြေညာမယ်လို့ ပြောပါတယ်။ သူက အဲဒီဖုန်းရဲ့ Specs တချို့ကိုလည်း ပြောပြပါတယ်။
စာအုပ်စတိုင် Foldable iPhone ဖြစ်ပြီး အပြင်ဘက်မှာ 5.5” Display နဲ့ ပင်မ 7.8” OLED Display တပ်ဆင်ထားမှာ ဖြစ်ပါတယ်။ အဆင့်မြင့် Hinge ကြောင့် ပင်မ Display မှာ ခေါက်ချိုးရာ မပါလာဘူးလို့ သိရပါတယ်။ Kuo က Foldable iPhone ရဲ့ Hinge နဲ့ Midframe ကို Bright Laser Technologies (BLT) က ထုတ်လုပ်ပေးထားမယ်လို့ ပြောပါတယ်။
အဲဒီ အစိတ်အပိုင်း ၂ ခုစလုံးကို Stainless Steel , Titanium နဲ့ တည်ဆောက်ထားနိုင်ပြီး အဆင့်မြင့် 3D Printing နည်းပညာနဲ့ ထုတ်လုပ်ထားနိုင်ပါတယ်။
Foldable iPhone မှာ Face ID မပါလာဘဲ ပါဝါခလုတ်အောက်မှာ Tourch ID Fingerprint Reader ကို ထည့်သွင်းထားနိုင်ပါတယ်။ ဖြန့်ထားရင် အထူက ၄၅.-၄.၈ မီလီမီတာနဲ့ ခေါက်ချိုးထားရင် ၉-၉.၅ မီလီမီတာ ရှိမှာ ဖြစ်ပါတယ်။ ဖုန်း အနောက်ဘက်မှာ ကင်မရာ ၂ လုံး တပ်ဆင်ထားမှာ ဖြစ်ပါတယ်။
Kuo က Foldable iPhone ကို ၂၀၂၅ ခုနှစ် ကွာတား ၃ မှာ စတင် ထုတ်လုပ်နိုင်ပြီး ၂၀၂၆ ခုနှစ် ကွာတား ၄ မှာ အမြောက်အများထုတ်လုပ်မယ်လို့ ပြောပါတယ်။ ဈေးနှုန်းက ဒေါ်လာ ၂,၀၀၀ နဲ့ ၂,၅၀၀ အကြားမှာ ရှိနိုင်ပါတယ်။
Ref : gsmarena
