အပြာရောင် Samsung Galaxy A15 ရဲ့ ဓါတ်ပုံတွေ ပြီးခဲ့တဲ့လက ထွက်လာခဲ့ပါတယ်။ အခုတော့ နောက်ထပ် ဓါတ်ပုံတွေ ထွက်လာပြီး အရောင်အသစ်တွေကို မြင်ရပါတယ်။

Leaked Samsung Galaxy A15 renders reveal more color options - GSMArena.com news

Samsung Galaxy A15 မှာ အရွယ်သေး Notch မျက်နှာပြင်နဲ့ အနောက်ကင်မရာ ၃ လုံး ပါပါတယ်။ ပြားချပ်တဲ့ ဒီဇိုင်း ဖြစ်ပြီး ညာဘက်မှာ အသံနဲ့ ပါဝါ ခလုတ် တပ်ထားပါတယ်။

Samsung Galaxy A15 5G and 4G Official Renders and Colour Options Leaked - MySmartPrice

Galaxy A15 အတွက် 4G နဲ့ 5G Version တွေ ထွက်လာမှာ ဖြစ်ပြီး ဒီဇိုင်း တူညီပါတယ်။ 4G မှာ Helio G99 SoC နဲ့ 5G မှာ Dimensity 6100+ Chip ပါလာနိုင်ပါတယ်။

ကျန်တဲ့ Specs တွေထဲမှာ 6.5” FullHD+ မျက်နှာပြင် ပါလာမှာ ဖြစ်ပြီး 6GB RAM နဲ့ 128GB Storage အထိ ထည့်သွင်းထားမှာပါ။ 25W Charging ထောက်ပံ့တဲ့ 5,000mAh Battery ပါလာမှာပါ။ အရှေ့ဘက်မှာ 13MP နဲ့ အနောက်ဘက်မှာ 50MP Main , 5MP , 2MP ကင်မရာ ၃ လုံး ထည့်သွင်းထားမှာပါ။

Galaxy A15 5G ကို အမေရိကန်မှာ ၁၄၉ ဒေါ်လာနဲ့ ဥရောပမှာ ၂၅၀ ယူရိုနဲ့ ရောင်းချနိုင်ပါတယ်။ မကြာခင်ကတော့ Walmart မှာ ၁၃၉ ဒေါ်လာနဲ့ စာရင်းတင်ထားတာတွေ့ရပါတယ်။

Galaxy A14 5G ကို ဒီနှစ် ဇန်နဝါရီလနဲ့ Galaxy A14 4G ကို ဖေဖော်ဝါရီလမှာ ကြေညာခဲ့တဲ့အတွက် Galaxy A15 4G နဲ့ 5G ကိုလည်း နောက်နှစ် အဲဒီအချိန်မှာ မိတ်ဆက်နိုင်ပါတယ်။

Ref : gsmarena