LG က တောင်ကိုရီးယားမှာ Q52 စမတ်ဖုန်းကို ကြေညာလိုက်ပါတယ်။ ဒီနှစ် အစောပိုင်းက ကြေညာခဲ့တဲ့ LG Q51 ရဲ့ မျိုးဆက်သစ် ဖြစ်ပြီး LG Q52 ဟာ စွမ်းရည်သင့် စမတ်ဖုန်း ဖြစ်ပါတယ်။ MIL-STD-810G စံနှုန်း ရှိတဲ့အတွက် အကြမ်းခံပြီး အရွယ်အစား အပြည့်အစုံက 160 x 76.7 x 8.4mm ဖြစ်ပါတယ်။ ၆.၆ လက်မ IPS LCD Punch Hole မျက်နှာပြင် ထည့်ထားပြီး HD+ Resolution ရှိပါတယ်။
အရှေ့ဘက်မှာ 13MP ကင်မရာနဲ့ အနောက်ဘက်မှာ 48MP Main , 8MP Wide-angle , 2MP Macro နဲ့ 2MP Depth ကင်မရာ ၄ လုံး ပါပါတယ်။ အနောက်ဘက်ကို ပလတ်စတစ်နဲ့ တည်ဆောက်ထားပြီး Matte Finish က လက်ဗွေရာ မထင်ကျန်အောင် ပြုလုပ်ပေးနိုင်ပါတယ်။ 2.3GHz MediaTek Helio P35 Chipset မောင်းနှင်ထားပြီး 4GB RAM နဲ့ 64GB Storage ထည့်ထားတဲ့အပြင် microSD Card စိုက်နိုင်ပါတယ်။ ဘက်ထရီက 4,000mAh ဖြစ်ပါတယ်။
LG Q52 မှာ Android 10 OS မောင်းနှင်ထားပြီး ဘေးဘက်လက်ဗွေရာ ကိရိယာ ပါလာပါတယ်။ 4G, Dual SIM Support , WiFi , Bluetooth 5.0 , NFC , USB-C နဲ့ 3.5mm Audio Jack တွေ ထည့်သွင်းထားပါတယ်။
LG Q52 ကို တောင်ကိုရီးယားမှာ ၃၃၀,၀၀၀ ဝမ်နဲ့ ရောင်းပေးထားပြီး ၂၉၉ ဒေါ်လာလောက် ရှိပါတယ်။ မြန်မာငွေနဲ့တွက်ရင် ၃ သိန်း ၈ သောင်းလောက်ကျသင့်မှာပါ။ Silky White နဲ့ Silky Red ၂ ရောင် ထုတ်လုပ်ထားပြီး တောင်ကိုရီးယား ပြင်ပမှာ ရောင်းမလားဆိုတာ မသိရသေးပါဘူး။
Ref : gizmochina
