OPPO က တရုတ်မှာ A2 Pro ကို ကြေညာလိုက်ပြီး 6.7” FHD+ AMOLED မျက်နှာပြင်ကွေး တပ်ဆင်ထားကာ 120Hz Refresh Rate ထောက်ပံ့ထားပါတယ်။ MediaTek Dimensity 7050 Chipset မောင်းနှင်ထားပြီး 67W Fast Charging ထောက်ပံ့တဲ့ 5,000mAh Battery ထည့်ထားပါတယ်။
OPPO က Battery ဟာ အနည်းဆုံး ၄ နှစ်အထိ အသုံးခံတယ်လို့ ပြောပါတယ်။ Battery ကျန်းမာရေးဟာ ဝယ်ယူပြီး ၄ နှစ်အတွင်း ၈၀ ရာခိုင်နှုန်းအောက် ကျဆင်းသွားရင် OPPO က အခမဲ့ Battery လဲလှယ်ပေးမှာ ဖြစ်ပါတယ်။
OPPO A2 Pro မှာ 12GB RAM နဲ့ 512GB UFS 3.1 Storage အထိ ထည့်သွင်းထားပါတယ်။ အနောက်ဘက်မှာ ကြီးမားတဲ့ ကင်မရာ Island နဲ့ Cutout ၄ ခု ထည့်သွင်းထားပြီး 64MP Main နဲ့ 2MP Depth ကင်မရာ ၂ လုံး ပါပါတယ်။
Android 13 အခြေပြု ColorOS 13.1 မောင်းနှင်ထားပြီး IP54 ရေစိုခံစံနှုန်း ထည့်သွင်းထားပါတယ်။ မျက်နှာပြင်အောက်လက်ဗွေရာ ကိရိယာ မြှုပ်နှံထားပါတယ်။
OPPO A2 Pro အတွက် Vast Black , Desert Brown (Vegan Leather) နဲ့ Twilight အရောင်တွေ ထုတ်လုပ်ထားပြီး 8/128GB ကို ၂၄၈ ဒေါ်လာနဲ့ 12/512GB ကို ၃၃၀ ဒေါ်လာ သတ်မှတ်ထားပါတယ်။ တရုတ်မှာ စက်တင်ဘာလ ၂၂ ရက်နေ့ စတင် ရောင်းချမှာပါ။
Ref : gsmarena
