ပြီးခဲ့တဲ့ နှစ်ကုန်မှာ POCO India က POCO F2 လာမယ်ဆိုတဲ့ သတင်းပေးခဲ့ပါတယ်။ အဲဒီနောက်ပိုင်းမှာ ဖုန်းရဲ့ Specs တွေ မကြာခဏ ပေါက်ကြားထွက်လာခဲ့ပါတယ်။ မကြာခင်က အဲဒီ ဖုန်းဟာ စွမ်းရည်မြင့် ဖုန်း မဟုတ်ဘဲ စွမ်းရည်သင့် Snapdragon 732G ပဲ ထည့်ထားမယ်လို့ သတင်းထွက်ခဲ့ပါတယ်။ အခုတော့ POCO India ရဲ့ ဒါရိုက်တာ Anuj Sharma က Snapdragon 732G ထည့်ထားမှာ မဟုတ်ဘူးလို့ အတည်ပြုလိုက်ပါတယ်။
အဲဒီအတွက် POCO F2 မှာ စွမ်းဆောင်ရည်မြင့် Chipset မောင်းနှင်ထားနိုင်ပါတယ်။ POCO F1 မှာတော့ Snapdragon 845 Chipset ထည့်သွင်းထားတာ ဖြစ်ပြီး ၂၀,၉၉၉ (၃ သိန်း ၈ သောင်းဝန်းကျင်)ပဲရှိတဲ့အတွက် ဈေးအရမ်းချိုပါတယ်။ Anuj က F1 ဈေးလောက်နဲ့ ရောင်းဖို့ မဖြစ်နိုင်တဲ့အတွက် ဈေး ပိုမြင့်မယ်လို့ သတင်းပေးထားပါတယ်။ သူက F2 ရဲ့ ဈေးအတိအကျကို မပြောသေးပါဘူး။
၂၀၂၀ ဩဂုတ်လမှာ ကြေညာခဲ့တဲ့ POCO F2 Pro ရဲ့ တန်ဖိုးအနည်းဆုံးဟာ ၅၉၉ ယူရို ရှိတဲ့အတွက် ၉ သိန်း ၆ သောင်းလောက် ကျသင့်ပါတယ်။ F2 Pro ဟာ မတ်လက ကြေညာခဲ့တဲ့ Redmi K30 Pro 5G ရဲ့ မော်ဒယ်ခွဲ ၁ လုံး ဖြစ်ပါတယ်။ F2 မှာ စွမ်းရည်မြင့် Chipset ပါလာနိုင်ပြီး ဈေးက ၂၅,၀၀၀ ကနေ ၄၀,၀၀၀ ရူပီးအတွင်း ရှိနိုင်ပါတယ်။ ၄ သိန်းခွဲနဲ့ ၇ သိန်း ၃ သောင်းအတွင်း တန်ကြေးရှိနိုင်ပါတယ်။
Anuj က POCO F1 ရဲ့ မျိုးဆက်သစ် စမတ်ဖုန်း ၁ လုံးကိုလည်း ဖန်တီးခိုင်းထားပြီး နာမည်က POCO F2 မဟုတ်ဘူးလို့ ပြောပါတယ်။ အဲဒီ စမတ်ဖုန်းရဲ့ သတင်းအချက်အလက်တွေကို သူက ဘာမှ မပြောသေးပါဘူး။ မကြာခင်မှာ အဲဒီဖုန်းတွေအကြောင်း ပိုမိုသိလာရတော့မှာပါ။
Ref : gizmochina
