POCO Pad တက်ဘလက်ကို ဒီလ အစောပိုင်းက အိန္ဒိယမှာ Tease လုပ်ပြီးနောက် အခုတော့ ကြေညာမယ့်နေ့ကို ကုမ္ပဏီက ပြောကြားလိုက်ပါတယ်။ POCO India ရဲ့ အကြီးအကဲ Himanshu Tandon က ဒီလ ၂၃ ရက်နေ့မှာ POCO Pad 5G ကို ကြေညာမယ်လို့ တွစ်တာမှာ ရေးသားထားပါတယ်။
POCO Pad မှာ 12.1” Display တပ်ဆင်ထားမှာ ဖြစ်ပြီး 120Hz Refresh Rate , 600 Nits Brightness ထောက်ပံ့ထားမှာပါ။ 2.5K Resolution ပါလာနိုင်ပြီး Dolby Vision Support ထည့်သွင်းထားမှာပါ။ အရှေ့ဘက်မှာ 8MP ကင်မရာ တပ်ဆင်ထားမှာ ဖြစ်ပြီး အနောက်ဘက်မှာ 8MP ကင်မရာ ပါလာနိုင်ပါတယ်။ တက်ဘလက်ကို သတ္တု ကိုယ်ထည်နဲ့ တည်ဆောက်ထားမှာပါ။
Snapdragon 7s Gen 2 Processor မောင်းနှင်ထားမှာ ဖြစ်ပြီး 8GB RAM နဲ့ 256GB Storage ပါလာမှာပါ။ အမိုက်ဆုံး အစိတ်အပိုင်းက Battery ဖြစ်ပြီး ကြီးမားတဲ့ 10,000mAh Battery ပါလာမှာပါ။ အားသွင်းနှုန်းက 33W ဖြစ်ပါတယ်။ Android 14 အခြေပြု HyperOS မောင်းနှင်ထားမှာ ဖြစ်ပြီး Stylus ၊ ကီးဘုတ်နဲ့ တွဲဖက် အသုံးပြုနိုင်မှာပါ။
POCO ရဲ့ တခြား ထုတ်ကုန်တွေလိုပဲ POCO Pad 5G ကို Flipkart ကနေပဲ ရောင်းချနိုင်ပါတယ်။ ဒီလ ၂၃ ရက်နေ့ နေ့လယ် ၁၂ နာရီမှာ ရောင်းချမယ်လို့ Flipkart မှာ ကြေညာထားပါတယ်။
Ref : gizmochina
