realme 12 Sereis ကို ကုမ္ပဏီက ကြေညာဖို့ ပြင်ဆင်နေပြီး realme 12 Pro နဲ့ 12 Pro+ တို့ပါလာမှာပါ။ အဲဒီဖုန်းတွေကို မကြာခင်က အိန္ဒိယက BIS မှာ မှတ်ပုံတင်ထားပါတယ်။ realme 12 ကိုလည်း ကုမ္ပဏီက ဖန်တီးနေတယ်လို့ ထင်ပါတယ်။
realme 12 Pro နဲ့ 12 Pro+ တို့ဟာ ၂၀၂၃ ခုနှစ် ဒီဇင်ဘာလ ၈ ရက်နေ့မှာ BIS Certification ရရှိခဲ့ပြီး မော်ဒယ်နံပါတ်တွေက RMX3842” နဲ့ “RMX3840” တို့ ဖြစ်ကြပါတယ်။
“RMX3840” ဟာ realme 12 Pro+ ဖြစ်ပြီး အင်ဒိုနီးရှားရဲ့ SDPPI မှာလည်း မှတ်ပုံတင်ထားပါတယ်။ “RMX3842” ဟာ realme 12 Pro ဖြစ်ပါတယ်။
အရင်ပေါက်ကြားသတင်းအရ realme 12 Pro+ မှာ Snapdragon 7 Gen 3 Processor ၊ 64MP OmniVision OV64B 3x Periscope Telephoto ကင်မရာ ပါလာမှာပါ။ realme 12 Pro မှာတော့ 32MP Sony IMX709 2x Telephoto ကင်မရာ တပ်ဆင်ထားမှာပါ။
realme Number Series ဟာ Redmi Note Series ရဲ့ ပြိုင်ဖက်တွေ ဖြစ်ပါတယ်။ realme 12 Series ဟာ တရုတ်မှာ ရောင်းချထားတဲ့ Redmi Note 13 Series ကို ယှဉ်ပြိုင်မှာပါ။
realme 12 Series ရဲ့ သတင်းအချက်အလက်တွေ မကြာခင် ထပ်မံထွက်ပေါ်လာနိုင်ပြီး ဒီလကုန်မှာ တရားဝင် ကြေညာနိုင်ပါတယ်။
Ref : gizmochina
