Xiaomi က အိန္ဒိယမှာ ဇန်နဝါရီလ ၄ ရက်နေ့မှာ Redmi Note 13 5G Series ကို ကြေညာဖို့ ပြင်ဆင်နေပြီး Redmi Note 13 5G , Redmi Note 13 Pro 5G နဲ့ Redmi Note 13 Pro+ 5G တို့ ပါလာမှာပါ။ အခုတော့ Redmi Note 13 Pro 5G အိန္ဒိယမော်ဒယ်ကို Geekbench မှာ တွေ့လာရပြီး မော်ဒယ်နံပါတ်က 2312DRA50I ဖြစ်ပါတယ်။
Geekbench မှာ အဲဒီဖုန်းရဲ့ အဓိက Specs တွေကို ဖော်ပြထားပြီး Qualcomm Snapdragon 7s Gen 2 SoC ပါလာမှာပါ။ Xiaomi ကလည်း Redmi Note 13 Pro အိန္ဒိယ မော်ဒယ်ဟာ Snapdragon 7s Gen 2 ပါတဲ့ ကမ္ဘာ့ပထမဆုံး ဖုန်း ဖြစ်မယ်လို့ အတည်ပြုထားပါတယ်။ အဲဒီဖုန်းဟာ Single-core မှာ ၁၀၃၀ မှတ်နဲ့ Multi-core မှာ ၂၈၅၁ မှတ်ရထားပါတယ်။
အိန္ဒိယ မော်ဒယ်မှာ 12GB RAM ထည့်သွင်းထားမယ်လို့ Geekbench မှာ ဖော်ပြထားပါတယ်။ Android 14 ထွက်ရှိနေပေမယ့် Android 13 OS ပဲ ထည့်သွင်းထားမှာပါ။
မကြာခင်က ပေါက်ကြားသတင်းအရ Redmi Note 13 Pro Plus ရဲ့ 12GB RAM+256GB Storage Version ကို ၃၂,၉၉၉ ရူပီးနဲ့ ရောင်းချမယ်လို့ သိရပါတယ်။ ဇန်နဝါရီလ ၄ ရက်နေ့ နီးလာပြီ ဖြစ်တဲ့အတွက် Redmi Note 13 5G Series ရဲ့ သတင်းအချက်အလက်တွေ ဒီရက်ပိုင်းအတွင်း ထပ်မံ ထွက်ပေါ်လာနိုင်ပါတယ်။
Ref : gizmochina
