China Telecom မှာ Xiaomi ရဲ့ နောက်ထွက်မယ့် Redmi Note 13R Pro ရဲ့ ဓါတ်ပုံနဲ့ သတင်းအချက်အလက်တွေကို ဖော်ပြထားပါတယ်။ အဲဒီ စမတ်ဖုန်းမှာ 6.67” မျက်နှာပြင် တပ်ဆင်ထားပြီး OLED Panel အမျိုးအစား ဖြစ်ပါတယ်။
FHD+ Resolution ထောက်ပံ့ထားပြီး 120Hz Refresh Rate ပါလာပါတယ်။ 12GB RAM နဲ့ 256GB Storage ထည့်သွင်းထားပြီး 5,000mAh Battery ပါလာပါတယ်။ Software က Android 13 ဖြစ်ပါတယ်။
Redmi 13R Pro ရဲ့ အရွယ်အစား အပြည့်အစုံက 161.11×74.95×7.73 mm ဖြစ်ပြီး အလေးချိန်က ၁၇၄ ဂရမ် ဖြစ်ပါတယ်။ China Mobile မှာ 108MP Main နဲ့ 2MP Auxillary ကင်မရာ ၂ လုံးကို အနောက်ဘက်နဲ့ 16MP ဆဲလ်ဖီး ကင်မရာ ၁ လုံးကို အရှေ့ဘက်မှာ တပ်ဆင်ထားတယ်လို့ ဖော်ပြထားပါတယ်။
Redmi 13R Pro မှာ MediaTek Dimensity 6080 Chipset မောင်းနှင်ထားမယ်လို့ သတင်းထွက်နေပါတယ်။ 12/256GB Version ကို ၁,၉၉၉ ယွမ် (၂၇၅ ဒေါ်လာ) သတ်မှတ်ထားပါတယ်။ Redmi Note 13R Pro ကို တရုတ်မှာ နိုဝင်ဘာလ ကြေညာမယ်လို့ ခန့်မှန်းထားပါတယ်။
Xiaomi ဟာ Redmi Note 13 Series ကို စတင် ကြေညာနေပြီ ဖြစ်ပြီး နောက်ပိုင်းမှာ Redmi Note 13 Series စမတ်ဖုန်း အသစ်တွေ ထွက်လာဦးမှာ ဖြစ်ပါတယ်။
Ref : gsmarena
