Samsung Galaxy S25 Ultra ရဲ့ ဓါတ်ပုံတချို့ မကြာခင်က ပေါက်ကြားခဲ့ပြီး အခုတော့ အဲဒီဖုန်းကို 3C Certification Database မှာ တွေ့လာရပါတယ်။ အဲဒီမှာ အများဆုံး အနေနဲ့ 45W Wired Charging ထည့်သွင်းထားမယ်လို့ ဖော်ပြထားပါတယ်။
စိတ်ဝင်စားစရာကောင်းတာက တရုတ်မှာ ရောင်းချနိုင်တဲ့ SM-S9380 မော်ဒယ်မှာ ဂြိုလ်တု ဆက်သွယ်ရေး ထောက်ပံ့ထားတာ ဖြစ်ပါတယ်။ တခြား နိုင်ငံတွေမှာ ရောင်းချမယ့် မော်ဒယ်တွေမှာလည်း ဂြိုလ်တု ဆက်သွယ်ရေး ပါလာမလားဆိုတာ မသိရသေးပါဘူး။
Galaxy S25 Ultra ရဲ့ အရွယ်အစား အပြည့်အစုံဟာ 162.8 x 77.6 x 8.2mm နဲ့ အလေးချိန်ဟာ ၂၁၉ ဂရမ် ရှိနိုင်ပါတယ်။ Qualcomm Snapdragon 8 Gen 4 Chipset မောင်းနှင်ထားမှာ ဖြစ်ပြီး အရင်မျိုးဆက်ထက် ပိုများတဲ့ RAM ထည့်သွင်းထားမှာပါ။ အဲဒီဖုန်းရဲ့ ကင်မရာ အားလုံးဟာ Ultrawide က လွဲပြီး S24 Ultra နဲ့ တူညီမယ်လို့ သတင်းထွက်နေပါတယ်။
Galaxy S25 Ultra ကို ဇန်နဝါရီလမှာ တရားဝင် ကြေညာနိုင်ပြီး ဒီကြားထဲမှာ အဲဒီဖုန်းရဲ့ သတင်းအချက်အလက်တွေ ထပ်မံ ထွက်ပေါ်လာနိုင်ပါတယ်။
Ref : gsmarena
