Samsung က ပြီးခဲ့တဲ့ တစ်ပတ်မှာ Galaxy Tab S10 Series နဲ့ S24 SE ကို ကြေညာခဲ့ပြီး အဲဒီ Device တွေရဲ့ အဓိက စွမ်းရည်က Galaxy AI Suite ဖြစ်ပါတယ်။ အဲဒီ AI Feature အသစ်တွေ အားလုံးကို လက်ရှိမှာ အခမဲ့ အသုံးပြုခွင့်ပေးထားပါတယ်။ ဒါပေမယ့် Samsung က Galaxy AI Feature တွေအတွက် အနာဂတ်မှာ အခကြေးငွေ ကောက်ခံမယ်လို့ အရိပ်အမြွက်ပြောထားပါတယ်။
Samsung က Galaxy Tab S10 Series နဲ့ S24 SE အသစ်အတွက် တရားဝင် ကြေညာချက်တွေထဲမှာ ၂၀၂၄ ခုနှစ်အကုန်မှာ Galaxy AI Feature တချို့အတွက် အခကြေးငွေ ကောက်ခံနိုင်တယ်လို့ ပြောထားပါတယ်။ Samsung က အရင်က Galaxy AI Feature တွေကို Supported Samsung Galaxy Device တွေမှာ ၂၀၂၅ ခုနှစ်မတိုင်ခင်မှာ အခမဲ့ အသုံးပြုခွင့်ပေးမယ်လို့ ပြောပါတယ်။
အဲဒီအတွက် Samsung ရဲ့ Galaxy AI Suite သို့မဟုတ် တချို့ အစိတ်အပိုင်းတွေကို နောက်နှစ်က စတင်ကာ အခပေး အသုံးပြုရမယ်လို့ ထင်ရပါတယ်။
AI နည်းပညာဟာ ပြီးခဲ့တဲ့နှစ်တွေအတွင်း အလွန် ရေပန်းစားလာခဲ့ပြီး အခုတော့ AI ပါတဲ့ စမတ်ဖုန်းတွေကို အပြိုင်အဆိုင် ထုတ်လုပ်ရောင်းချလာကြပါတယ်။
Ref : gsmarena
