Starlab Space က တစ်ကြိမ်ထဲနဲ့ ကမ္ဘာပတ်လမ်းကြောင်းဆီ Starlab ပုဂ္ဂလိက အာကာသစခန်းကို လွှတ်တင်ဖို့ SpaceX ကို ရွေးချယ်လိုက်ပါတယ်။ Starlab Space ကို Voyager Space နဲ့ Aribus တို့ ပူးပေါင်း တည်ထောင်ထားတာပါ။
/2024/02/01/image/jpeg/uxlh7J3ggzxfvQSQOnBLBOimyV6Xb7AjHV9Ku8WO.jpg)
နိုင်ငံတကာ အာကာသစခန်း (ISS) သက်တမ်း ကုန်ဆုံးမယ့် ၂၀၃၀ ခုနှစ် မတိုင်ခင်မှာ SpaceX ရဲ့ Starship အာကာသယာဉ်ဟာ Starlab အာကာသစခန်း တစ်ခုလုံးကို တစ်ကြိမ်ထဲနဲ့ ကမ္ဘာပတ်လမ်းကြောင်းကို သယ်ဆောင်သွားရမှာပါ။ Starlab ကို ကမ္ဘာပတ်လမ်းကြောင်းကို ပို့ဆောင်မယ့် အချိန် အတိအကျကို မသိရသေးပါဘူး။
Launch vehicle secured! 🚀 Alongside @VoyagerSH + @AirbusSpace, we are thrilled to announce we have selected @SpaceX’s Starship to launch #Starlab into #LEO. Learn more about this historic launch here: https://t.co/AQ13lSxbu3 pic.twitter.com/BNq47IRabd
— Starlab (@Starlab_Space) January 31, 2024
ကြီးမားတဲ့ Starship အာကာသယာဉ်ဟာ ကမ္ဘာပတ်လမ်းကြောင်းနဲ့ လထံ လူနဲ့ ကုန်ပစ္စည်းတွေကို သယ်ဆောင်ဖို့ ဒီဇိုင်းထုတ်ထားပါတယ်။ Voyager Space ရဲ့ CEO Dylan Taylor က “ SpaceX ရဲ့ အောင်မြင်တဲ့ သမိုင်းကြောင်းကြောင့် Starlab ကို ကမ္ဘာပတ်လမ်းကြောင်းထံ ပို့ဖို့ ရွေးချယ်ခဲ့တာပါ။ SpaceX ဟာ အာကာသယာဉ် လွှတ်တင်တဲ့ နယ်ပယ်မှာ ကမ္ဘာ့ ထိပ်တန်း ကုမ္ပဏီ ဖြစ်ပါတယ်။ “ လို့ ပြောပါတယ်။
Starlab အာကာသစခန်းမှာ အနည်းဆုံး လူ ၄ ယောက် နေထိုင်နိုင်မှာ ဖြစ်ပါတယ်။ Starlab ဟာ အာကာသမှာ သုတေသနပြုလုပ်တဲ့ ISS ရဲ့ အမွေကို ဆက်ခံမှာ ဖြစ်ပါတယ်။ Starlab ဟာ အာကာသ အေဂျင်စီတွေ၊ သုတေသနပညာရှင်တွေ၊ ကုမ္ပဏီတွေနဲ့ ပူးပေါင်းလုပ်ဆောင်မှာ ဖြစ်ပါတယ်။
Ref : interestingengineering
