DeepSeek AI ဟာ ဒေတာတွေကို တရုတ် အစိုးရအတွက် ခိုးယူနိုင်တဲ့အတွက် နိုင်ငံများစွာက စိုးရိမ်နေကြပါတယ်။ အမေရိကန် စစ်တပ်နဲ့ နာဆာက အဲဒီ App ကို ဘန်းထားပါတယ်။
အခုတော့ တက္ကဆပ်ဟာ DeepSeek ကို ဘန်းတဲ့ ပထမဆုံး အမေရိကန် ပြည်နယ် ဖြစ်လာပါတယ်။ တက္ကဆပ် အုပ်ချုပ်ရေးမှူး Greg Abbott က အစိုးရက ထုတ်ပေးထားတဲ့ Device အားလုံးမှာ DeepSeek အသုံးပြုမှုကို တားမြစ်တဲ့ အမိန့်ကို လက်မှတ်ရေးထိုးလိုက်ပါတယ်။
သူက “ အမေရိကန်ရဲ့ အရေးကြီး ဒေတာတွေကို တရုတ် ကွန်မြူနစ်ပါတီက ရယူသွားနိုင်ပါတယ်။ အရေးကြီး သတင်းအချက်အလက်တွေကို ကိုင်တွယ်နေရတဲ့ ပြည်နယ်ရဲ့ အေဂျင်စီတွေနဲ့ ဝန်ထမ်းတွေကို တရုတ် အစိုးရရဲ့ ရန်ကနေ ကာကွယ်ရမှာ ဖြစ်ပါတယ်။ ပြည်နယ်ရဲ့ အရေးကြီး ဒေတာတွေကို တရုတ် ကွန်မြူနစ်ပါတီက AI နဲ့ လူမှုကွန်ရက် App တွေကနေ ရယူသွားနိုင်ပါတယ်။” လို့ ပြောပါတယ်။
တက္ကဆပ်ဟာ DeepSeek အပြင် RedNote နဲ့ TikTok ရဲ့ မိခင် ကုမ္ပဏီ ByteDance အပါအဝင် တရုတ် လူမှုကွန်ရက်များစွာကိုလည်း ဘန်းလိုက်ပါတယ်။
အခုဆိုရင် DeepSeek ကို ဘန်းတဲ့ နိုင်ငံတွေ များလာပါပြီ။ အီတလီ၊ ထိုင်ဝမ်နဲ့ ဩစတြေးလျတို့ကလည်း အဲဒီ App ကို ဘန်းထားပါတယ်။
Ref: nypost
