Tesla Cybertruck တစ်စီးဟာ နှစ်သစ်ကူးနေ့က အမေရိကန် ပြည်ထောင်စု လတ်စ်ဗီးဂတ်စ်မှ Donald Trump ပိုင်တဲ့ ဟိုတယ် အပြင်ဘက်မှာ မီးလောင်ပြီး လူ ၁ ယောက်သေကာ ၇ ယောက်ဒဏ်ရာရခဲ့ပါတယ်။ ယာဉ်မောင်းဟာ အဲဒီကားကို ကော်လိုရာဒို ကနေ ငှားရမ်းခဲ့တာ ဖြစ်ပြီး မီးလောင်မှုမှာ သေဆုံးသွားပါတယ်။ အဲဒီလူဟာ အမေရိကန် စစ်သားဟောင်း Matthew Livelsberger လို့ စစ်ဆေးတွေ့ရှိခဲ့ပါတယ်။
Tesla တည်ထောင်သူနဲ့ ရွေးကောက်ပွဲ အနိုင်ရထားတဲ့ ဒေါ်နယ်ထရမ့် နဲ့ ရင်းနှီးတဲ့ ဆက်ဆံရေး ရှိသူ Elon Musk က အဲဒီ ဖြစ်ရပ်ကို ကုမ္ပဏီက ပညာရှင်တွေ စုံစမ်းစစ်ဆေးနေတယ်လို့ အစောပိုင်းက ပြောခဲ့ပါတယ်။ သူက မကြာခင်မှာ စစ်ဆေးတွေ့ရှိမှုကို ထုတ်ပြန်ကြေညာမှာ ဖြစ်ပြီး ဒီလိုမျိုး မဖြစ်ဖူးဘူးလို့ ပြောပါတယ်။
နောက်ပိုင်းမှာ သူက “ မီးလောင်ပေါက်ကွဲမှုဟာ ကားရဲ့ နည်းပညာပိုင်းနဲ့ မသက်ဆိုင်ပါဘူး။ ကားရဲ့ကြမ်းခင်းမှာ ပါလာတဲ့ ဗုံး တစ်လုံးကြောင့် ဖြစ်ပါတယ်။ ကားနဲ့ မသက်ဆိုင်ပါဘူး။ “ လို့ ပြောပါတယ်။
အဲဒီနောက်မှာ သူက ဒါဟာ အကြမ်းဖက်တဲ့ လုပ်ရပ် ဖြစ်နိုင်တယ်လို့ ကြေညာခဲ့ပါသေးတယ်။ သူက “ ဗုံး ပါတဲ့ Cybertruck ကို နယူးအော်လင်း ကနေ Turo ကတစ်ဆင့် ငှားရမ်းခဲ့တာ ဖြစ်ပြီး ကားမီးလောင်တာာ အဲဒါတွေနဲ့ တစ်နည်းတစ်ဖုံး ပတ်သက်နိုင်ပါတယ်။ ” လို့ ပြောပါတယ်။
ရဲ တပ်ဖွဲ့က အဲဒီ ဖြစ်ရပ်ကို ဆက်လက် စုံစမ်း စစ်ဆေးနေပါတယ်။
Ref : Independent
