ဆလိုဗေးနီးယားမှ PaintCam ကုမ္ပဏီက AI နည်းပညာ ပါတဲ့ လုံခြုံရေး ကင်မရာကို တီထွင်လိုက်ပါတယ်။ Eve လို့ အမည်ပေးထားပြီးသူခိုး၊ လူစိမ်းတွေကို သိနားလည်ရုံသာမက ဘောလုံး၊ မျက်ရည်ယို ဂတ်စ်နဲ့ တိုက်ခိုက်နိုင်ပါတယ်။
Eve မှာ လူတွေနဲ့ တိရိစ္ဆာန်တွေကို တိကျစွာ ခွဲခြားနိုင်တဲ့ အဆင့်မြင့် ကွန်ပြူတာ Vision နည်းပညာ ပါပါတယ်။ ညဘက်တွေမှာတောင်ခွဲခြားနိုင်ပါတယ်။ သင့် အိမ်ကိုလာတဲ့ ဧည့်သည်တွေကို “Friends” အဖြစ် သတ်မှတ်ထားနိုင်ပါတယ်။
Eve က လူစိမ်း ၁ ယောက်ကို တွေ့ရင် ကျူးကျော်သူလို့ သတ်မှတ်ပြီး ၅ စက္ကန့်အတွင်း အိမ်ကနေ ထွက်သွားဖို့ ပြောမှာပါ။ မထွက်သွားရင် ဘောလုံး၊ ဂတ်စ်နဲ့ တိုက်ခိုက်မှာပါ။
တကယ်လို့ ဧည့်သည်ဘေးနားမှာ လူစိမ်း ၁ ယောက်ပါလာရင် တိုက်ခိုက်ရမလားဆိုတာကို မေးမှာပါ။ တကယ်လို့ လူစိမ်း ဧည့်သည် ၁ ယောက်လာရင် သင့်ကို မေးမြန်းမှာပါ။ သင်က အိမ်မှာ မရှိရင် အဲဒီ လူစိမ်း ဧည့်သည်ကို အိမ်ကနေ ထွက်ခွာခိုင်းမှာပါ။
PaintCam က Eve, Eve+ နဲ့ Eve Pro ဆိုပြီး မော်ဒယ် ၃ မျိုးထုတ်လုပ်ထားပါတယ်။ အခြေခံမော်ဒယ်ကို App ကနေ ထိန်းချုပ်နိုင်ပြီး Eve+ က အခြေခံ Feature တွေအပြင် တိရိစ္ဆာန်တွေကို ခွဲခြားနိုင်ပါတယ်။ Eve Pro ကတော့ မျက်နှာတွေကို ခွဲခြားနိုင်ပါတယ်။
Ref : gizmochina
