Vivo ဟာ ကုမ္ပဏီရဲ့ ပထမဆုံး Foldable ဖုန်းကို ဖန်တီးနေပြီး ဒီလ နှောင်းပိုင်းမှာ ကြေညာမယ်လို့ ထင်ရပါတယ်။ Vivo က အဲဒီ ဖုန်းအကြောင်း ဘာမှမပြောသေးပေမယ့် အခုတော့ ဓါတ်ပုံ ၁ ပုံ ပေါက်ကြားလာပါတယ်။ ဓါတ်ပုံမှာ ဖုန်းရဲ့ အရှေ့ဘက်ကို မြင်ရပြီး အရင်က ထွက်ခဲ့တဲ့ သတင်းအချက်အလက်တချို့ကို အတည်ပြုထားပါတယ်။
Vivo X Fold ကို တရုတ်မှာ မကြာခင် ကြေညာနိုင်ပြီး ကုမ္ပဏီဟာ လာမယ့် ရက်တွေအတွင်းမှာ ကြေညာမယ့်နေ့ကို အသိပေးလာနိုင်ပါတယ်။ ပေါက်ကြားလာတဲ့ ဓါတ်ပုံအရ ညာဘက်ခြမ်းက မျက်နှာပြင် အထက် အလယ်မှာ Punch Hole Cutout ကို မြင်ရပြီး မျက်နှာပြင်ဘေးဘောင်တွေဟာ ပါးလွှာပါတယ်။ မျက်နှာပြင် ခေါက်ရာကို မြင်ရလားဆိုတာ မသိရသေးပါဘူး။
ဓါတ်ပုံမှာ ပါဝါနဲ့ အသံခလုတ်တွေကို ညာဘက်ခြမ်းမှာ တပ်ဆင်ထားပြီး ဘယ်ဘက်ခြမ်းမှာ Cutout ၁ ခုကို တွေ့ရပေမယ့် လက်ရှိမှာ ဘာဖြစ်မလဲဆိုတာ မသိရသေးပါဘူး။
ပေါက်ကြားသတင်းတွေအရ Vivo X Fold မှာ ၈ လက်မ Foldable QHD+ မျက်နှာပြင် တပ်ဆင်ထားမှာ ဖြစ်ပြီး 120Hz Refresh Rate ထောက်ပံ့ထားမှာပါ။ အပြင်ဘက် ကာဗာ မျက်နှာပြင်ဟာ ကွေးညွှတ်ပြီး ၆.၅ လက်မ မျက်နှာပြင် တပ်ဆင်ထားမှာဖြစ်ကာ Full HD+ Resolution ရှိမှာပါ။
Snapdragon 8 Gen 1 SoC, 12GB RAM နဲ့ 256GB/512GB Storage တွေ ထည့်သွင်းထားမှာ ဖြစ်ပြီး 50MP Main , 48MP Ultrawide, 12MP (2x Zoom) နဲ့ 8MP Peirscope (5x Optical Zoom) တွေ ပါလာမှာပါ။
Ref : mysmartprice
