မကြာခင်ကမှ ကြေညာထားတဲ့ Qualcomm Snapdragon 4 Gen 2 Chipset ပါတဲ့ ပထမဆုံး စမတ်ဖုန်းကို တရုတ်မှာ ကြေညာလိုက်ပါတယ်။ အဲဒီဖုန်းက Redmi Note 12R ဖြစ်ပြီး Chipset ဟာ စွမ်းရည်သင့် အမျိုးအစား ဖြစ်ပါတယ်။
Chipset နဲ့ ကင်မရာတွေကလွဲပြီး Redmi Note 12R ရဲ့ Specs တွေဟာ မကြာခင်က ကြေညာခဲ့တဲ့ Redmi 12 နဲ့ တူညီပါတယ်။ 6.79” IPS LCD FHD+ မျက်နှာပြင်နဲ့ 90Hz Refresh Rate ထည့်သွင်းထားပြီး Punch Hole မှာ 5MP အရှေ့ ကင်မရာ တပ်ဆင်ထားပါတယ်။ အနောက်ဘက်မှာ 50MP Main , 2MP Macro ကင်မရာ ၂ လုံး ထည့်သွင်းထားပါတယ်။
Redmi Note 12R မှာ 4/6/8GB RAM နဲ့ 128/256GB Storage ပါလာပြီး microSD Card စိုက်နိုင်ပါတယ်။ 18W Charging ထောက်ပံ့တဲ့ 5,000mAh Battery ပါလာပြီး Android 13 အခြေပြု MIUI 14 မောင်းနှင်ထားပါတယ်။
Redmi Note 12R အတွက် Midnight Black , Time Blue နဲ့ Sky Fantasy အရောင်တွေ ထုတ်လုပ်ထားပါတယ်။ တန်ဖိုးအနည်းဆုံး 4/128GB Version ကို တရုတ်မှာ ၉၉၉ ယွမ် သတ်မှတ်ထားပြီး ၁၄၀ ဒေါ်လာ တန်ပါတယ်။ Xiaomi က Redmi Note 12R ကို တရုတ် ပြင်ပမှာ ရောင်းချမယ့် အချိန်ကို မပြောသေးပါဘူး။
Ref : gsmarena
