ဂျွန်ဟော့ပ်ကင်းစ်တက္ကသိုလ်က တီထွင်လိုက်တဲ့ Surgical Robot Transformer-Hierarchy (SRT-H) လို့ခေါ်တဲ့ ခွဲစိတ်စက်ရုပ်တစ်ခုဟာ လူနဲ့တူတဲ့ ပုံစံတူမော်ဒယ်တစ်ခုဆီကနေ သည်းခြေအိတ်ကို လူရဲ့အကူအညီမပါဘဲ ၁၀၀% တိကျမှုနဲ့ အောင်မြင်စွာ ဖယ်ရှားနိုင်ခဲ့ပါတယ်။
အဲဒီစက်ရုပ်ကို အဆင့်ဆင့် program ရေးဆွဲထားတာမျိုးမဟုတ်ဘဲ၊ တကယ့်ခွဲစိတ်မှုတွေကို ကြည့်ရှုခြင်းအားဖြင့် ဆရာဝန်ပေါက်စတစ်ယောက်လို လေ့လာသင်ယူစေခဲ့တာပါ။ ဝက်အသေကောင်တွေပေါ်မှာ သည်းခြေအိတ်ထုတ်တဲ့ ခွဲစိတ်မှုဗီဒီယိုတွေကိုသုံးပြီး လေ့ကျင့်ပေးခဲ့တာဖြစ်ပြီး၊ လုပ်ဆောင်ချက်တစ်ခုချင်းစီကို စာတန်းတွေနဲ့ အသံနဲ့ညွှန်ကြားချက်တွေကနေတဆင့် နာမည်တပ်ပြီး ရှင်းပြထားပါတယ်။ ဒါက ဘာလုပ်ရမယ်ဆိုတာကို သာမက ဘာကြောင့်လုပ်ရတယ်ဆိုတာကိုပါ နားလည်စေခဲ့ပါတယ်။
SRT-H ဟာ အဆင့် ၁၇ ဆင့်ရှိတဲ့ ရှုပ်ထွေးတဲ့ သည်းခြေအိတ်ထုတ်တဲ့ လုပ်ငန်းစဉ်ကို အကြိမ်ကြိမ် ပြုလုပ်ခဲ့ပြီး၊ တိကျစွာ လုပ်ဆောင်နိုင်ခဲ့ပါတယ်။
အဲဒီစက်ရုပ်ဟာ အဆင့်မြင့် AI ကိုသုံးပြီး အသံနဲ့ညွှန်ကြားချက်တွေကို လိုက်နာနိုင်သလို၊ ခွဲစိတ်နေစဉ်မှာ အခြေအနေတွေပြောင်းလဲသွားရင်လည်း လိုက်လျောညီထွေဖြစ်အောင် ပြုလုပ်နိုင်ပါတယ်။ လူသားဆရာဝန်တွေထက် အချိန်ပိုကြာခဲ့ပေမယ့် အရာအားလုံးကို သူ့ဘာသာသူ ကိုင်တွယ်နိုင်ခဲ့ပါတယ်။
နောက်တစ်ဆင့်ကတော့ SRT-H ကို တခြားခွဲစိတ်မှုအမျိုးအစားတွေမှာ စမ်းသပ်ဖို့ပါပဲ။ သက်ရှိလူသားတွေပေါ်မှာ ခွဲစိတ်ဖို့အတွက် ခွင့်ပြုချက်မရသေးပေမယ့်၊ သုတေသနအဖွဲ့ကတော့ လာမယ့်ဆယ်စုနှစ်အတွင်းမှာ ဖြစ်လာနိုင်မယ်လို့ မျှော်လင့်ထားပါတယ်။
Ref : Technology Innovation
