Bangkok Post သတင်းမှာ ဖော်ပြထားချက်အရ Gartner ကုမ္ပဏီက ၂၀၂၇ ခုနှစ်နဲ့ နောက်ပိုင်းမှာ ခေတ်စားလာမယ့် အဓိက နည်းပညာ trend တွေကို အောက်ပါအတိုင်း အကျဉ်းချုပ် ကောက်နုတ်ဖော်ပြထားပါတယ်။
🛑စာသားအခြေမပြု AI များ ထွက်ပေါ်လာခြင်း (Non-Text AI Frontier) – စာသားအခြေပြု Gen AI (LLM) တွေကနေတစ်ဆင့် သင်္ချာ၊ စာရင်းအင်းနဲ့ ရူပဗေဒဆိုင်ရာ တွက်ချက်မှုတွေကို တိကျစွာ ဆောင်ရွက်နိုင်မယ့် Large Quantitative Models (LQM)၊ စကားပြောဆိုမှုရဲ့ လေသံနဲ့ စိတ်ခံစားမှုတွေကို ခွဲခြားသိရှိနိုင်မယ့် Speech Reasoning Models နဲ့ လက်တွေ့ဝန်းကျင်ကို အတုယူဖန်တီးနိုင်မယ့် World Models စတဲ့ နည်းပညာတွေဆီ ကူးပြောင်းလာပါမယ်။
🛑AI Agents များကို ထိန်းချုပ်ကွပ်ကဲခြင်း (Trustworthy Autonomous Systems) – AI agent တွေက အလိုအလျောက် ပိုမိုလုပ်ဆောင်လာနိုင်တာကြောင့် ကုမ္ပဏီတွေအနေနဲ့ Data လက်လှမ်းမီမှုနဲ့ လုပ်ပိုင်ခွင့်နယ်ပယ်တွေကို ထိန်းချုပ်ဖို့ AI context platforms တွေနဲ့ Coding harnesses တွေ လိုအပ်လာပါမယ်။ ဒါ့ပြင် AI agent တွေ လုံခြုံရေးကျိုးပေါက်မှုကို ကာကွယ်ဖို့ Identity သတ်မှတ်ခြင်းနဲ့ အလိုအလျောက် လုံခြုံရေး ပြင်ဆင်သည့် စနစ်များ ထားရှိလာရပါမယ်။
🛑ကြံ့ခိုင်မှုရှိသော အခြေခံအဆောက်အအုံများ တည်ဆောက်ခြင်း (Resilient Infrastructure) – ပထဝီနိုင်ငံရေး မတည်ငြိမ်မှုတွေနဲ့ စွမ်းအင်လိုအပ်ချက်တွေကို ဖြေရှင်းဖို့ ဒေတာနဲ့ စနစ်တွေကို မိမိဘာသာ စီမံနိုင်မယ့် Sovereign technology၊ သုံးပြီးရင် ဖျက်ဆီးပစ်နိုင်မယ့် Disposable applications တွေ ပေါ်ပေါက်လာပါမယ်။ အနာဂတ်မှာ လျှပ်စစ်ဓာတ်အား သုံးစွဲမှုကို အဆမတန် လျှော့ချပေးနိုင်မယ့် Wetware as a Service (Biological computing) နည်းပညာလည်း ပါဝင်လာပါမယ်။
Ref : Bangkokpost
