Xiaomi ဟာ ဒီနှစ်ထဲမှာ Redmi K70 Series ကို ကြေညာမှာ ဖြစ်ပါတယ်။ Xiaomi က Redmi K70 Series အကြောင်းကို ဘာမှ မပြောသေးဘဲ ရေငုံနှုတ်ပိတ်နေနေပါတယ်။
ဒါပေမယ့် အခုတော့ Model Code 23117RK66C ပါတဲ့ Xiaomi ရဲ့ စမတ်ဖုန်း ၁ လုံးကို Geekbench မှာ အဓိက Specs တွေနဲ့အတူ တွေ့လာရပြီ ဖြစ်ပြီး အဲဒါဟာ Redmi K70 Pro လို့ ထင်ရပါတယ်။
အဲဒီ စမတ်ဖုန်းမှာ Android 14 မောင်းနှင်ထားပြီး 16GB RAM ထည့်သွင်းထားပါတယ်။ 1+2+5 Configuration ပါတဲ့ Octa-core CPU မောင်းနှင်ထားပြီး Prime Core ရဲ့ Maximum Clock Frequency က 3.19 GHz ဖြစ်ပါတယ်။
အဲဒီ Chipset ဟာ မကြေညာရသေးတဲ့ Snapdragon 8 Gen 3 SoC ဖြစ်နိုင်ပါတယ်။ ဒါပေမယ့် ဒီသတင်းအချက်အလက်ကို အတည်ပြုနိုင်ဖို့ သတင်းအရင်းအမြစ်များစွာကို စောင့်ကြည့်ရဦးမှာပါ။
အရင်နှစ်က ထွက်ရှိခဲ့တဲ့ Redmi K60 Pro မှာ Snapdragon 8 Gen 2 SoC ပါလာတာ ဖြစ်တဲ့အတွက် Redmi K70 Pro မှာ Snapdragon 8 Gen 3 SoC ပါလာမှာက ဖြစ်နိုင်ပါတယ်။
နောက်လမှာ ကျင်းပမယ့် Qualcomm’s Snapdragon Summit မှာ Snapdragon 8 Gen 3 SoC ကို ကြေညာမှာ ဖြစ်ပါတယ်။
Redmi K70 Series မှာ Redmi K70, Redmi K70e နဲ့ Redmi K70 Pro စတဲ့ စမတ်ဖုန်း ၃ လုံးပါလာမယ်လို့သတင်းထွက်နေပါတယ်။
Ref : gsmarena
