တရုတ်အခြေစိုက် ကမ္ဘာကျော် အွန်လိုင်းအရောင်းအဝယ်နဲ့ နည်းပညာကုမ္ပဏီကြီးဖြစ်တဲ့ အလီဘာဘာ (Alibaba) ဟာ သူတို့ကို တရုတ်စစ်တပ်နဲ့ ဆက်နွှယ်မှုရှိတယ်ဆိုပြီး အမေရိကန် ပင်တဂွန်စစ်ဌာနချုပ်က အမည်ပျက် စာရင်းသွင်းခဲ့တဲ့အပေါ် မကျေနပ်လို့ အမေရိကန်အစိုးရကို တရားဝင် ပြန်လည်တရားစွဲဆိုလိုက်ပါတယ်။
အမေရိကန် ကာကွယ်ရေးဝန်ကြီးဌာနကတော့ အလီဘာဘာဟာ တရုတ်နည်းပညာထိန်းညှိသူတွေရဲ့ စည်းမျဉ်းတွေကို လိုက်နာနေရတဲ့အတွက် စစ်တပ်ရဲ့လက်ဝေခံအဖြစ် ထိရောက်စွာ လုပ်ဆောင်နေတာလို့ စွပ်စွဲထားပါတယ်။ ဒါပေမဲ့ အလီဘာဘာဘက်ကတော့ အဲဒီဆုံးဖြတ်ချက်ဟာ အချက်အလက် ဒါမှမဟုတ် ဥပဒေကြောင်းအရ လုံးဝအခြေအမြစ်မရှိဘူးလို့ ကယ်လီဖိုးနီးယား ဖက်ဒရယ်တရားရုံးမှာ ပြင်းပြင်းထန်ထန် တုံ့ပြန်လျှောက်လဲထားပါတယ်။
အလီဘာဘာဘက်ကတော့ သူတို့ရဲ့ လွတ်လပ်တဲ့ ဒါရိုက်တာဘုတ်အဖွဲ့ဝင်တွေထဲမှာ စစ်တပ်နဲ့ ပတ်သက်သူ တစ်ယောက်မှမရှိကြောင်းနဲ့ သူတို့ရဲ့ လုပ်ငန်းတွေဟာ လက်နက် ဒါမှမဟုတ် ထောက်လှမ်းရေးအတွက် မဟုတ်ဘဲ အရောင်းအဝယ်နဲ့ ကလောက်ဒ် (cloud) နည်းပညာအတွက်သာ ဖြစ်တယ်လို့ တုံ့ပြန်ပါတယ်။ ဒါ့အပြင် တရုတ်နိုင်ငံမှာ လည်ပတ်နေတဲ့ အမေရိကန်ကုမ္ပဏီတွေအပါအဝင် ဘယ်နိုင်ငံတကာကုမ္ပဏီမဆို ဒေသတွင်းစည်းမျဉ်းတွေကို ဒီအတိုင်းပဲ လိုက်နာရတာဖြစ်တယ်လို့လည်း ထောက်ပြထားပါတယ်။
ဒီအမှု ဘယ်လို ဖြစ်လာမလဲ ဆိုတာ စိတ်ဝင်စားစရာ ကောင်းနေပါပြီ။
Ref : bbc
