အိမ်မှုကိစ္စတွေ အားလုံးကို လူတူစက်ရုပ်တွေကပဲ ဝင်လုပ်ပေးတော့မယ့် အနာဂတ်ဟာ လက်ရှိ ၂၀၂၆ ခုနှစ်ထဲမှာတင် တကယ့်ကို နီးစပ်လို့လာပါပြီ။ တရုတ်ရိုဘော့တစ်ကုမ္ပဏီတစ်ခုဖြစ်တဲ့ GigaAI ဟာ သူတို့ထုတ်လုပ်ထားတဲ့ SeeLight S1 လူတူစက်ရုပ် (Humanoid Robot) အလုံး ၁၀၀ ကို ဟင်းချက်တာ၊ အဝတ်လျှော်တာ၊ အိမ်သန့်ရှင်းရေးလုပ်တာနဲ့ ပစ္စည်းတွေ သပ်သပ်ရပ်ရပ် နေရာချတာမျိုးတွေ လုပ်နိုင်ဖို့အတွက် တကယ့်အိမ်တွေထဲအထိ ထည့်သွင်းပြီး လက်တွေ့ကွင်းဆင်း စမ်းသပ်နေပါတယ်။
ဒီလူတူစက်ရုပ်တွေရဲ့ ထူးခြားချက်ကတော့ အိမ်မှုကိစ္စ အတော်များများကို တစ်လမပြည့်ခင် အချိန်တိုအတွင်းမှာတင် သင်ယူတတ်မြောက်ခဲ့တာဖြစ်ပြီး အိမ်တွင်းပတ်ဝန်းကျင် အပြောင်းအလဲတွေကိုလည်း အလိုက်သင့် အသားကျအောင် လုပ်ဆောင်နိုင်စွမ်း ရှိကြပါတယ်။ ဒါပေမဲ့ လက်ရှိမှာတော့ သူတို့ရဲ့ အလုပ်လုပ်နှုန်းက တော်တော်လေး နှေးကွေးနေသေးတာကြောင့် အဝတ်တစ်ထည် ခေါက်ဖို့တင် ၁၀ မိနစ်ထက်မက အချိန်ယူနေရဆဲ ဖြစ်ပါတယ်။
အခု ဖြစ်ရပ်ဟာ လူတူစက်ရုပ်တွေကို တကယ့်လက်တွေ့ကမ္ဘာထဲမှာ အကြီးမားဆုံး စမ်းသပ်တဲ့ ဖြစ်ရပ်တစ်ခုအဖြစ် တရုတ်နိုင်ငံမှာ မှတ်တမ်းဝင်သွားခဲ့ပါတယ်။
Ref : Technology Innovation
