အာကာသသုတေသန ကုမ္ပဏီတစ်ခုဖြစ်တဲ့ SpaceX ဟာ ရေရှည်ရည်မှန်းချက်တွေကို အောင်မြင်အောင် အကောင်အထည်ဖော်နိုင်ခဲ့ရင် တစ်နေ့မှာ ကမ္ဘာ့စီးပွားရေးတစ်ခုလုံးရဲ့ တန်ဖိုးထက်တောင် ပိုမိုကြီးမားလာနိုင်တယ်လို့ စီအီးအို အီလွန်မတ်စ်ခ်က ခန့်မှန်းပြောဆိုလိုက်ပါတယ်။ ဒီစကားဟာ စတားရှစ်ပ် (Starship) ဒုံးပျံများ မွမ်းမံတည်ဆောက်မှု၊ စတားလင့်ခ် (Starlink) ဂြိုဟ်တုကွန်ရက် တိုးချဲ့မှုနဲ့ လနဲ့ အင်္ဂါဂြိုဟ်ပေါ်မှာ လူသားတွေ အမြဲတမ်းနေထိုင်မယ့် မြို့ပြတွေ စုစည်းတည်ဆောက်ရေး အပါအဝင် ကုမ္ပဏီရဲ့ မဟာဗျူဟာမြောက် စိန်ခေါ်မှုတွေကို မီးမောင်းထိုးပြနေတာလည်း ဖြစ်ပါတယ်။
လက်ရှိအချိန်မှာတင် SpaceX ဟာ အမေရိကန်ဒေါ်လာ ဘီလီယံ ၄၀၀ နီးပါး တန်ကြေးရှိနေပြီး ကမ္ဘာပေါ်မှာ တန်ဖိုးအမြင့်မားဆုံး ပုဂ္ဂလိကကုမ္ပဏီတစ်ခုအဖြစ် ထိပ်ဆုံးက ရပ်တည်နေတာပါ။ မတ်စ်ခ်ရဲ့ အယူအဆအရ ကုမ္ပဏီရဲ့ အဓိက စီမံကိန်းကြီးတွေ သမိုင်းဝင် အောင်မြင်သွားခဲ့ရင် အနာဂတ်မှာ ရရှိလာမယ့် စီးပွားရေးတန်ဖိုးဟာ အခုထက်မက မြင့်တက်သွားနိုင်တယ်လို့ သိရပါတယ်။
ဒါပေမဲ့လည်း ပြန်လည်အသုံးပြုနိုင်တဲ့ ဒုံးပျံစနစ်နဲ့ ဂြိုဟ်တုလွှတ်တင်ရေးတွေမှာ အရှိန်အဟုန်ရနေပေမဲ့ အင်္ဂါဂြိုဟ်ဆီ ပုံမှန်ခရီးစဉ်တွေ စေလွှတ်နိုင်ဖို့ အပါအဝင် ရေရှည်ရည်မှန်းချက် အများစုကတော့ စမ်းသပ်မှု ပထမအဆင့်မှာပဲ ရှိနေပါသေးတယ်။ နည်းပညာပိုင်းဆိုင်ရာ မြှင့်တင်မှုတွေအပြင် အစိုးရအဖွဲ့အစည်းတွေရဲ့ ခွင့်ပြုချက် အများအပြားလည်း လိုအပ်နေသေးတာကြောင့် မတ်စ်ခ်ရဲ့ ပြောကြားချက်ဟာ အာမခံချက်ရှိတဲ့ စီးပွားရေးကိန်းဂဏန်းတွေထက် စိန်ခေါ်မှုများတဲ့ အနာဂတ်မျှော်မှန်းချက်တစ်ရပ်အဖြစ်ပဲ ရှုမြင်ရဦးမှာဖြစ်ပါတယ်။
Ref : Technology Innovation
