realme P3 ကို အိန္ဒိယမှာ ကြေညာလိုက်ပြီး Snapdragon 6 Gen 4 Chipset ထည့်သွင်းထားပါတယ်။ ကြီးမားတဲ့ Battery နဲ့ Vapor Chamber Cooling ထည့်သွင်းထားပါတယ်။ realme P3 ဟာ တရုတ်မှာ ရောင်းချထားတဲ့ realme Neo7x နဲ့ တူညီပါတယ်။
realme P3 မှာ 6.67” AMOLED Full HD+ Display တပ်ဆင်ထားပြီး 120Hz Refresh Rate အထိ ပါလာပါတယ်။ 2,000 Nits Peak Brightness နဲ့ 1,500Hz Instant Touch Sampling Rate ထည့်သွင်းထားပါတယ်။
ဂိမ်းကစားလို့ ကောင်းမွန်တဲ့ Vapor Chamber Cooling ပါလာပြီး CPU အပူချိန်ကို ၂၀ ဒီဂရီ ဆဲလ်ဆီးယပ် အထိ လျှော့ချပေးနိုင်ပါတယ်။
realme P3 မှာ 50MP Main , 2MP Portrait ကင်မရာကို အနောက်ဘက်နဲ့ 16MP ကင်မရာကို အရှေ့ဘက်မှာ တပ်ဆင်ထားပါတယ်။
Battery က 6,000mAh ဖြစ်ပြီး ဖုန်း အထူ ၈ မီလီမီတာထဲမှာ ကြီးမားတဲ့ Battery ထည့်သွင်းထားတာ တော်တော်မိုက်ပါတယ်။ အားသွင်းနှုန်းက 45W ဖြစ်ပါတယ်။
Android 15 အခြေပြု realme UI 6.0 ပါလာပြီး Under-display Fingerprint Scanner ၊ NFC နဲ့ စတီရီယို စပီကာတွေ ပါပါတယ်။ IP69 ရေစိုခံစံနှုန်း ထည့်သွင်းထားပြီး ရေအနက် ၂.၅ မီတာမှာ မိနစ် ၃၀ အသုံးပြုနိုင်ပါတယ်။
realme P3 အတွက် Space Silver, Nebula Pink နဲ့ Comet Grey အရောင်တွေ ထုတ်လုပ်ထားပြီး 6/128GB ကို ၁၆,၉၉၉ ရူပီး၊ 8/128GB ကို ၁၇,၉၉၉ ရူပီးနဲ့ 8/256GB ကို ၁၉,၉၉၉ ရူပီး သတ်မှတ်ထားပါတယ်။ တန်ဖိုးအနည်းဆုံး မော်ဒယ်ဟာ ၁၉၆ ဒေါ်လာ ကျသင့်မှာ ဖြစ်ပါတယ်။
Ref : gsmarena
