Apple Watch Series 8 ကို ၂၀၂၂ ခုနှစ် ကွာတား ၃ ဖြစ်တဲ့ ဇူလိုင်လကနေ စက်တင်ဘာလအတွင်း ကြေညာနိုင်ပြီး ခန္ဓာကိုယ် အပူချိန် တိုင်းတာတဲ့ လုပ်ဆောင်ချက် ပါလာမယ်လို့ အရင်က သတင်းထွက်ခဲ့ပါတယ်။ ဒါပေမယ့် ဒီနှစ် အစောပိုင်းထွက်လာတဲ့ သတင်းအရ ၂၀၂၃ ခုနှစ်ထွက်မယ့် Apple Watch မှာတောင် ဒီလုပ်ဆောင်ချက် မပါလာနိုင်ဘူးလို့ သိရပါတယ်။ အခုတော့ နာမည်ကြီး လေ့လာဆန်းစစ်သူ Ming-Chi Kuo က Watch Series 8 မှာ ကိုယ်ခန္တာအပူချိန် တိုင်းတာတဲ့ လုပ်ဆောင်ချက်ပါလာမှာ ဖြစ်ပြီး ၂၀၂၂ ခုနှစ် ဒုတိယနှစ်ဝက်မှာ ကြေညာမယ်လို့ ပြောလာပါတယ်။
Kuo က အရင်နှစ်ထုတ် Watch Series 7 ဟာ EVT (Engineering Validation Test) မတိုင်ခင်မှာ တိုင်းတာတဲ့ Algorithm ဟာ အရည်အချင်း မပြည့်မှီခဲ့တဲ့အတွက် ခန္ဓာကိုယ် အပူချိန် တိုင်းတာတဲ့ လုပ်ဆောင်ချက် မပါလာခဲ့တာလို့ ပြောပါတယ်။
စမတ်နာရီမှာ ခန္ဓာကိုယ် အပူချိန် တိုင်းတာဖို့အတွက် သီးခြား ဟာ့ဒ်ဝဲ မပါတဲ့အပြင် အရေပြား အပူချိန်ကိုပဲ မှီခိုရတဲ့အတွက် တိကျတဲ့ အဖြေထွက်ဖို့ Algorithm ဟာ မှန်ကန်ဖို့ လိုအပ်ပါတယ်။ Watch Series 8 ကို အမြောက်အများ မထုတ်ခင်မှာ Apple ဟာ အဲဒီ Algorithm ကို မှန်ကန်အောင် လုပ်နိုင်မယ်ဆိုရင် Series 8 မှာ ကိုယ်ခန္တာ အပူချိန် တိုင်းတာတဲ့ လုပ်ဆောင်ချက် ပါလာမှာပါ။
Kuo က Samsung ဟာ Galaxy Watch 5 မှာ အလားတူ ပြဿနာမျိုး ရင်ဆိုင်နေရပြီး Algorithm ကန့်သတ်ချက်တွေကြောင့် ခန္ဓာကိုယ် အပူချိန်ကို မတိုင်းတာနိုင်သေးဘူးလို့ ပြောပါတယ်။
Ref : gsmarena
