Xiaomi ဟာ သူတို့ရဲ့ ပထမဆုံး Ultra တက်ဘလက်ဖြစ်တဲ့ Xiaomi Pad 7 Ultra ကို ၁၄ လက်မ ၃:၂ မျက်နှာပြင်နဲ့အတူ မိတ်ဆက်လိုက်ပါတယ်။ ဒီတက်ဘလက်မှာ Xiaomi 15S Pro မှာလည်း အသုံးပြုထားတဲ့၊ Xiaomi က ကိုယ်တိုင်ဒီဇိုင်းထုတ်ထားတဲ့ Xring O1 Chipset ကို အသုံးပြုထားပါတယ်။
Pad 7 Ultra မှာ အရင်ကထက် နှစ်ဆပိုမိုတောက်ပတဲ့ (1,600 nits, DC + PWM dimming) ၁၄ လက်မ OLED မျက်နှာပြင်ကို တပ်ဆင်ထားပါတယ်။ HDR10+ နဲ့ Dolby Vision တို့ကို ထောက်ပံ့ပေးထားပြီး 12-bit အရောင်တွေကို ဖော်ပြပေးနိုင်ပါတယ်။ မျက်နှာပြင်ရဲ့ resolution ကတော့ 3,200 x 2,136px ဖြစ်ပြီး refresh rate 120Hz ရှိပါတယ်။ OLED မျက်နှာပြင်အပေါ်မှာ Gorilla Glass 5 ကို တပ်ဆင်ထားပြီး အလင်းပြန်မှုကို လျှော့ချပေးနိုင်တဲ့ nano-texture ကိုလည်း ရွေးချယ်နိုင်မှာ ဖြစ်ပါတယ်။
Ultra မျက်နှာပြင်ရဲ့ အပေါ်ဘက် notch မှာ 32MP ကင်မရာ (1/3.6” OV32D sensor) တစ်လုံး ပါရှိပါတယ်။ ကျောဘက်ကင်မရာကတော့ 50MP sensor (1/2.76” JN1) ဖြစ်ပါတယ်။
ဒီတက်ဘလက်ကို ဒုတိယမျိုးဆက် 3nm နည်းပညာနဲ့ ထုတ်လုပ်ထားတဲ့ Xring O1 Chipset က စွမ်းဆောင်ရည်ပိုင်းကို တာဝန်ယူထားပါတယ်။ ဒီချစ်ပ်ဆက်မှာ prime core တွေက 3.7GHz အထိရောက်ရှိနိုင်တဲ့ 10-core CPU ပါဝင်ပါတယ်။ ဒါ့အပြင် ARM Immortalis-G925 (16-core) GPU နဲ့ 44 TOPS AI စွမ်းဆောင်ရည်ပေးနိုင်တဲ့ 6-core NPU တို့လည်း ပါဝင်ပါတယ်။
သုံးမျိုးရွေးချယ်နိုင်မှာဖြစ်ပြီး 12GB/256G, 12GB/512GB နဲ့ 16GB/1TB တို့ဖြစ်ပါတယ်။ ဒီမော်ဒယ်တွေမှာ LPDDR5T RAM နဲ့ UFS 4.1 storage တို့ကို အသုံးပြုထားပါတယ်။
Pad 7 Ultra ကို အလူမီနီယမ်အလွိုင်းနဲ့ ပြုလုပ်ထားပြီး ခိုင်ခံ့မှုရှိစေဖို့ အားဖြည့်ဘောင်တွေ ထည့်သွင်းထားပါတယ်။ သူ့အရင်မော်ဒယ်တွေထက် ပိုမိုပါးလွှာပြီး ၅.၁ မီလီမီတာသာရှိပေမယ့် အလေးချိန်ကတော့ ၆၀၉ ဂရမ် ဖြစ်ပါတယ်။
အတွင်းမှာ 12,000mAh ဘက်ထရီကို 120W အမြန်အားသွင်းစနစ်နဲ့အတူ ထည့်သွင်းပေးထားပါတယ်။ USB-C ပေါက်က USB 3.2 Gen 2 speeds (10Gbps) ကို ထောက်ပံ့ပေးနိုင်ပါတယ်။ အခြားချိတ်ဆက်မှုတွေအနေနဲ့ Wi-Fi 7 (be, 2.4GHz and 5GHz), Bluetooth 5.4, NFC နဲ့ IR blaster တို့လည်း ပါဝင်ပါတယ်။
ဘေးဘက်က ပါဝါခလုတ်မှာ လက်ဗွေရာစနစ်ကို ထည့်သွင်းတည်ဆောက်ထားပါတယ်။ အပေါ်ဘက်မှာတော့ သီးသန့်ဝယ်ယူရမယ့် stylus အတွက် သံလိုက်နဲ့ ချိတ်ဆက်အားသွင်းနိုင်တဲ့နေရာ ပါရှိပါတယ်။ ဒါ့အပြင် မဂ္ဂနီဆီယမ်အလွိုင်းနဲ့ ပြုလုပ်ထားတဲ့ ကီးဘုတ်ကိုလည်း ရရှိနိုင်မှာ ဖြစ်ပါတယ်။
ဒီတက်ဘလက်ကို Xiaomi ရဲ့ HyperOS 2 နဲ့ အသုံးပြုနိုင်မှာဖြစ်ပြီး office suite apps တွေ၊ CAD app တစ်ခုနဲ့ အခြား application တွေ ကြိုတင်ထည့်သွင်းပေးထားပါတယ်။ တက်ဘလက်မှာ bass + tweeter အတွဲ လေးစုံပါဝင်တဲ့ စပီကာစုစုပေါင်း ၈ လုံးပါရှိပြီး ၁၆.၅ စီစီ ပမာဏရှိတဲ့ chamber တွေနဲ့ Dolby Atmos ကို ထောက်ပံ့ပေးထားပါတယ်။
Xiaomi Pad 7 Ultra ကို တရုတ်နိုင်ငံရှိ Xiaomi ရဲ့ online store မှာ ကြိုတင်မှာယူနိုင်ပြီဖြစ်ပါတယ်။ အခြေခံ 12GB/256GB မော်ဒယ်အတွက် CNY 5,700 (ဒေါ်လာ ၇၉၀/ယူရို ၇၀၀/ရူပီး ၆၈,၀၀၀ ခန့်) ကျသင့်မှာဖြစ်ပါတယ်။ ပိုကြီးတဲ့ 12GB/512GB နဲ့ 16GB/1TB မော်ဒယ်နှစ်မျိုးကိုတော့ အလင်းပြန်မှုနည်းတဲ့ nano-texture ပါဝင်တဲ့ “soft light” ဗားရှင်းနဲ့ ရရှိနိုင်မှာ ဖြစ်ပါတယ်။
Ref : gsmarena
